Куонкурус кыайыылаахтарыгар эҕэрдэ!

Кулун тутар 25 күнүгэр бэлиэтэнэр Култуура үлэһиттэрин күнүгэр сыһыаран, Былатыан Ойуунускай аатынан Саха тыйаатырыгар СӨ Култуура уонна духуобунай сайдыы министиэристибэтэ тэрийбит куонкуруһун кыайыылаахтарын билиһиннэрэр, эҕэрдэлиир дьоро күн буолла. Куонкурус кыайыылаахтара судаарыстыба анал субсидиятын ылар чиэстэнэллэр. 
 «Тыа сиринээҕи култуура тэрилтэтин бастыҥ үлэһитэ» номинацияҕа тыа сирин модельнай бибилэтиэкэтин «Библиополе» 13-с нүөмэрдээх  салаатын сүрүннүүр бибилэтиэкэрэ
Тамара Васильевна Сосина бэлиэтэннэ.
Ону тэҥэ «Тыа сиригэр бастыҥ култуура тэрилтэтэ» үрдүк ааты – модельнай бибилэтиэкэ. И.Д. Панаев аатынан 9-с нүөмэрдээх салаата ылбыт. Бу туһунан куорат култуураҕа уонна духуобунай сайдыыга управлениета иһитиннэрэр. 
Таһаарыылаах, кыһамньылаах үлэлэрэ үрдүктүк сыаналаммытынан эҕэрдэ буолуохтун!