Кулун тутар ыйдааҕы үп-харчы гороскоба

Бараан
Улахан атыылаһыы эбэтэр кумааһынньыккар харчы балачча халыҥыыра күүтүллэр. Ыра санааҥ туолан дьиэ, массыына эбэтэр өр күүппүт смартфоҥҥун атыылаһыаххын сөп, сорохтор олохторун таһыма тупсуоҕа, эбэтэр оҥорор өҥөлөрүн сыаната үрдүөҕэ. Уопсайынан, кулун тутар ыйга сабыытыйа биллэ тупсуо, сайдыа. 
Ол да буоллар мөкү санаалар, санаарҕааһын харчы дьыалатыгар үтүөтүк дьайбат – онон үчүгэй эрэ санааҕа ыллар, оччотугар харчы киириитэ түргэтиэ.

Оҕусчаан
Олоххор ураты курдук көстөр кыах үөскүөҕэ, бу эн өйгүн-санааҕын сүүйүөн, улахан суумалаах харчынан тардан ылыан сөп. Бу барыта албын схемаларга сыһыаннаах. Массыанньыктар эйигин албыынныырга бэлэмнэр. 
Онон кулун тутар ыйга уһулуччу сэрэхтээх буолуоххун наада. Ханнык баҕарар “барыстаах” этиини анаалыстаан көр, эбэтэр тута аккаастан. Оччотугар үп-харчы биир бигэ туруктаах буолуо, туоххун да сүтэриэҥ суоҕа, ыйгын этэҥҥэ туоруоҥ. 

Игирэлэр
Бу ыйга харчыны оҥорор кыаххыт күүстээх. 
Салгын бэлиэтин анныгар төрөөбүттэр бу ыйга тус олохторугар баар боппуруостары быһаарыахтаахтар: өскөтүн сүрэҕиҥ аҥаарын була иликкин – көрдөө, була сатаа, оттон доҕордоох буоллаххына, сыһыаҥҥыт тупсарын туһугар кыһаныаххын, харчы да угуоххун наада.
Таптал улахан харчыны оҥорорго күһэйэр күүс буолуохтаах. Оттон кулун тутар ый бүтүннүү үп-харчы өттүнэн кэскиллээх буолуоҕа.

Араак
Бу ыйга өй-санаа сайдыытыгар болҕомтоҕун уурарыҥ наада. Бу дохуот үрдээһинигэр сүрүн суолталаах.
Саҥа билии, сатабыл дохуот сүрүн төрдө буоларын сулустар туоһулууллар. Онон анал куурустары ааһан идэлэрин дириҥэтэллэригэр сүбэлииллэр.
Маныаха атын соруктарга аралдьыйбат буолуу олус наадалаах – үп-харчы эйгэтэ болҕомто киинигэр сылдьыахтаах.

Хахай
Бэйэҕин наһаа кириитикэлэнимэ, бу үп-харчы үүнүүтүгэр харгыс буолуон сөп. Бэйэҕэ сыанабыл боппуруостара материальнай турукка улахан мэһэйдэри үөскэтиэхтэрэ.
Иккиттэн биири талыаххын наада: эбэтэр уйулҕа туругар киирии, эбэтэр үп-харчы боппуруоһугар болҕомтоҕун ууруу. 
Ураты сэрэхтээх буолууну көрдөрүөхтээххин уонна үп-харчы боппуруоһугар дьыалабыай сыһыаны ылыныахтааххын. Бу усулуобуйалар туоллахтарына, үп-харчы балаһыанньата биллэ тупсуо.

Кыыс Куо
Туохха наадыйаргын барытын ылыаҥ. Харчы уу сүүрүгүн курдук устуоҕа, ыра санаа оҥостубут бырайыактар олоххо киириэхтэрэ эбэтэр өр баҕарбыт малгын атыылаһыаҥ. Уопсайынан, ый санаабыккын ситиһэргэ табыгастаах.
Тус олоххор барыта этэҥҥэ буоллаҕына, үп-харчы өттүнэн соһуччу түгэннэр күүтэллэр. Өскөтүн быһаарыллыбатах иирсээннэр эбэтэр соҕотохсуйуу баар буоллаҕына, кулун тутар ый балаһыанньаны быһаарарга табыгастаах кэм буолар. Тус олох тупсубутун кэннэ, үп-харчы өттүнэн балаһыанньа эмиэ тупсуоҕа.

Ыйааһыннар
Бу ый үп-харчы өттүгэр ураты туруктаах кэм буолуоҕа. Хоромньу кыра, оттон хапытаал үүнүүтүгэр үчүгэй кыахтар арыллан биэриэхтэрэ.
Билигин кэскиллээх бырайыактарга харчы угар табыгастаах кэм, ол эрээри дьэҥкэ уонна өйдөнүмтүө бырайыактарга эрэ.
Төрүөххүттэн талааныҥ сөптөөх анаалыс оҥорорго ураты түгэни биэриэҕэ: кистэлэҥ кыахтаргын булан, хапытаалы салайыы сөптөөх систиэмэтин оҥоруоҥ. Ол көмөтүнэн бэйэҕин сатабыллаах инвестор быһыытынан көрдөрөр кыахтааххын.
Уопсайынан, кулун тутар үп-харчы өттүнэн табыгастаах ый буолуо диэн эрэннэрэр.

Ооҕуй
Бу ыйга араас тургутуулары көрсүөххүн сөп. Балаһыанньа төһө тулуурдааххын бэрэбиэркэлиир.
Ол эрээри бу түмүгэ кэлиэхтээх үп-харчы ситиһиитин акылаата буолуоҕа. Кириисиһи үүнүүгэ трамплин быһыытынан туһаныаххын сөп.
Бастаан, үп-харчы өттүнэн охсуу, онтон сыал-сорук туһугар кытаанах охсуһуу, уонна бүтэһигэр – тула өттүгүттэн сөптөөх наҕараада. Бу уларыйыылар үрдүк таһымнара кулун тутар 18 күнүн эргин күүтүллэр.
Уопсайынан, кулун тутар ый араас түгэннэри уонна күүтүллүбэтэх кыахтары бэлэхтиэ диэн эрэннэрэр.

Охчут
Харчыгын салайар кыаҕыҥ суох буолуо — ол дьайыыта бу ыйга үрдүк таһымҥа тиийиэҕэ. Онон үпкүн-харчыгын харыстыырыҥ уонна буола турары тус бэйэҕэр наһаа чугастык ылымматыҥ ордук. 
Сулустар ааспыт алта ыйга олоххор оҥорбут алҕастаргын барытын көннөрөргө күүскэ үлэлиэхтэрэ — кинилэргэ мэһэйдиир наадата суох.
Быстах кэмнээх хоромньуттан куттаныма — харчы күүһэ уларыйымтыа: биирдэ сүтэн баран, атын өттүнэн төннөн кэлиэ. 
Үлэҕиттэн тохтуоххун эбэтэр атын куораттарга соһуччу үлэҕэ сыһыаннаах этиилэри киириэхтэрин сөп. Маннык кыахтартан аккаастаныма — көһөн барыы үп-харчы үүнүүтүгэр сүрүнүнэн буолуо.
Дьылҕаҕа итэҕэйии уонна кини уруоктарын ылыныы саҥа саҕахтары арыйыа.

Чубуку
Бу ый сүрүн бириинсибэ – чиэһинэй буолуу. Аан дойду барыта да урукку дьайыыларыҥ иһин наҕараадалыырга бэлэм.
Үп-харчы тиийбэт эбэтэр карьера үрдээбэт диэн сананар буоллаххына, билигин уларыйыы кэмэ кэлбит. Өр күүппүт кыахтар эн иннигэр арыллыахтара. Маныаха сулустар эйиэхэ түһэн кэлбит баайгын-дуолгун хайдах дьаһанаргын салгыы көрөллөр.
Кыра да үбү өйдөөхтүк туһаныаххын уонна үтүө дьыаланы оҥоруоххун наада.

Күрүлгэн
Дохуотуҥ систиэмэтин оҥостор уонна ону салайар ураты кыах үөскүөҕэ. Үлэҕэ наймылаһан киирии күүскэ бобуллар — бу саас дьылҕаҥ тус бырайыагы саҕалыыр кыаҕы биэрэр.
Эн тула күүстээх тардыһыы эйгэтэ үөскүөҕэ: дьон эн санааларгын көхтөөхтүк өйүөхтэрэ, оттон иччилээх түүл харчы оҥосторго эрэллээх суоллары көрдөрүө.
Ону таһынан бу ыйга бэйэҕин эрэ хааччыйар буолбакка, атыттарга дохуот киириитин чопчутун буларга көмөлөһөр кыахтаныаҥ.

Балыктар
Бэйэҕин айар дьоҕуруҥ нөҥүө көрдөрөр кэмиҥ. Үлэҥ хайысхатыттан тутулуга суох, айар кыаххын арыйан, бэйэҥ уратыгын биллэрэр кыахтаныаҥ.
Онтон ону барытын туһамматаххына, дохуотуҥ баҕалаах таһымҥа тиийиэ суоҕа. Онон ыйы бүтүннүүтүн бэйэни арыйыыга, бэйэни көрдөнүүгэ анаа.
Айар дьарыктаах дьону үлэлэрин киэҥ эйгэҕэ билиһиннэрэллэригэр сүбэлииллэр — чугас дьоҥҥуттан саҕалаан онлайн-платформаларга тиийэ.
Оттон айар хайысханы була илик дьон араас маастар-кылаастарга сылдьан талааннарын саҥа өрүттэрин арыйаллара наада. Бу эрэ улахан үп-харчы үүнүүтүгэр сүрүн төрүөт буолуоҕа.