Кулун тутар 25 - 26 күннэригэр СВО кыттыылаахтарыгар сир учаастагын түҥэтии иккис түһүмэҕин былааннанар

Дьокуускай баһылыга Евгений Григорьев эппитинэн, анал байыаннай дьайыы кыттыылаахтарыгар билиҥҥитэ 6-лыы суотайдаах уопсайа 1396 учаастак быһыллыбыт, ол иһигэр: Тулагы Киллэм сиригэр суол хаҥас өттүгэр – 326; уҥа өттүгэр – 635; Саҥа Табаҕа сыста кэриэтэ – 435. Ким ханнык учаастакка түбэһэрин, син эмиэ элбэх оҕолоох дьиэ кэргэттэргэ курдук, сэрэбиэй түмүгэ быһаарар.
Санатар буоллахха, олунньу 25-26 күннэригэр бастакы 100 байыаска уонна кинилэр дьиэ кэргэттэригэр Табаҕа уонна Киллэм оройуоннарыгар сири түҥэтии ыытыллыбыта.

Дьокуускай куоракка анал байыаннай дьайыы кыттыылаахтарыгар сир учаастактарын биэрии ыытыллар аадырыһа: Октябрьскай уул., 20/1, 3 этээс, (каб. 303), «Сир сыһыаннаһыыларыгар агентство» МХТ
Бириэмэтэ: 09.00 – 12.00 чч. 
Анал байыаннай дьайыы кыттыылаахтарыгар сир учаастактарын биэрии туһунан сиһилии 40-80-46 билсиэххэ сөп. 

Сир аныыры туруорсар сайабылыанньаны Дьокуускай к. Октябрьскай уул., 20/1 №-дээх дьиэтигэр, бастакы этээскэ баар 2-с нүөмэрдээх түннүккэ сарсыарда 9 ч. киэһэ 17 ч.. диэри сирэй кэлэн туттарыахха сөп. Тэрилтэ 13-14 ч. диэри эбиэттиир тохтобуллаах. 
*dizo@yakadm.ru, azo@yakadm.ru электроннай почтаҕа ыытыахха сөп. 
Ону таһынан Судаарыстыбаннай өҥө порталын эбэтэр e-yakutia сайт нөҥүө эмиэ ыытар кыах баар.