Кулун тутар 15 күнүгэр куораттааҕы «Аҕа күрэҕэ» күүтэр

Кулун тутар 15 күнүгэр VIII-с куораттааҕы «Аҕа күрэҕэ» күөн күрэс Сайсары эбэҕэ сарсыарда 10.00 чаастан ыытыллыаҕа. Икки кыайыылаах хамаанда кулун тутар 29-30 күннэригэр өрөспүүбүлүкэтээҕи таһымҥа Дьокуускай куорат аатын көмүскүөхтэрэ.
Күрэх үгэс курдук бэрэбинэни суорууга, чууркалааһыҥҥа, хайытыыга, кулуһуҥҥа чэй өрүүтүгэр, ойбон алларыытыгар, остуолбаҕа ыттыыга уонна сыалы ытыыга ыытыллыаҕа. 
Күрэҕи Дьокуускай куорат Олохтоох дьаһалтата, Уопсастыбаннай сибээскэ уонна ыччат политикатыгар, физическэй култуураҕа уонна спорка, култуураҕа уонна духуобунаска управлениелары кытта Аҕалар сүбэлэрэ тэрийэллэр, диэн Олохтоох дьаһалта пресс-сулууспата иһитиннэрэр.