Кремль Telegram-ы толору тохтотор болдьоҕу эттэ: мессенджер хаһан үлэлээбэт буоларый?
Бу туһунан Кремльгэ чугас икки источник быһаарыыны бүтэһиктээх дииллэр. Бүтүннүү тохтотуу биричиинэлэринэн Арассыыйа олохтоохторун вербовкалааһын, ол иһигэр сокуоннай саастарын туола илик оҕолору, “сокуоннайа суох дьайыылары оҥорорго” ыҥырыы элбээн иһэринэн буолар.
“Роскомнадзор” чуолкай күнү-дьылы этэртэн аккаастанна.
“Агентство бу боппуруоска урут бэчээттэммит иһитиннэриигэ тугу да эбэрэ суох”, — диэн Роскомнадзор пресс-сулууспата иһитиннэрдэ.
Госдуума бу иннинэ Telegram-ы экстремист быһыытынан ааттыахха сөбүн бэлиэтээбитэ. Сыыппара сайдыытын миниистирэ Максут Шадаев Telegram көмөтүнэн 150 000 кэриҥэ буруй оҥоһуллубутун туһунан докумуоҥҥа олоҕурбут дакаастабыллар баарын эттэ. Ол иһигэр “Крокус Сити Холлга” буолбут теракт, Дарья Дугинаны уонна генерал Игорь Кирилловы өлөрүүлэр киирэллэр.
Санатан эттэххэ, 2025 сыл сайыныттан ыла Арассыыйа туһанааччылара аудионан уонна видеонан эрийэр кыахтара суох буолбута. 2026 сыл олунньутугар Роскомнадзор мессенджер үлэтин хааччахтаан барбыта. Онтон сылтаан Telegram-ы туһаныыга ыарахаттар үөскээбиттэрэ: суруктар ыытыллыбаттар, чаттар загрузкаламматтар, сыһыарыы “хачайдаммат”, онтон да атын.
Сонуннар
Ордук ааҕаллар
