Коронавирус дьаҥынан эбии 242 киһи ыарыйда

Саха сиринээҕи Суһал штаб иһитиннэрбитинэн, ахсынньы 9 күнүнээҕи туругунан региоҥҥа коронавирус дьаҥынан эбии 242 киһи ыалдьыбыта билиннэ: Дьокуускай куорат – 100, Нерюнгри – 25, Алдан оройуона – 17, Мииринэй оройуона – 13, Хаҥалас улууһа – 11, Мэҥэ Хаҥалас, Сунтаар, Таатта улуустарыгар – 10-нуу, Ньурба улууһугар – 9, Амма, Өлүөхүмэ улуустарыгар – 8-тыы, Булуҥ, Ленскэй, Нам оройуоннарыгар – 3-түү, Өймөкөөн, Томпо, Уус Алдан, Уус Майа, Усуйаана улуустарыгар – 2-лии, Бүлүү, Чурапчы оройуоннарыгар – 1-дии.
Суукка иһигэр өрөспүүбүлүкэ лабораторияларыгар коронавирус инфекциятын булууга 4 458  чинчийии оҥоһулунна. Пандемия саҕаланыаҕыттан барыта 1 751 557 тиэст оҥоһуллубут.