Клещтэн сэрэниҥ!

Улуустарга балаһыанньа маннык:

Ленскэй – 255 киһи клещкэ ытыттарбыт;

Алдан – 87;

Өлүөхүмэ – 69;

Нерюнгри - 38;

Хаҥалас – 12;

Сунтаар – 6;

Амма – 5;

Мэҥэ Хаҥалас уонна Чурапчы – 4-түү киһи;

Таатта – 3;

Бүлүү, Мииринэй уонна Уус Майа - 2;

Үөһээ Бүлүү, Нам, Ньурба уонна Кэбээйи – 1;

Дьокуускай – 39.

532 ытыттрабыт киһиттэн 223-гэр клещ утары иммуноглобулины туруорбуттар, 155 киһи эрдэ быһыыны ылбыттар эбит.

Роспотрбенадзор иһитиннэрэринэн, уопсайа 16045 киһи быһыыны ылбыт, ол иһигэр 3415 оҕо.

Клещ муус устартан алтынньыга диэри кутталлаах. Араас инфекционнай ыарыыны тарҕатар, ол иһигэр энцефалиты.

 🔸Айылҕаҕа тахсаргытыгар эккитин барытын бүөлүүр таҥастаах буолуохтааххыт. 

🔸Акарициднай ыстарар эмтэринэн туттуҥ.

 🔸Сөп буола-буола, клещ сыстыбытын-суоҕун бэрэбиэркэлэнэр үөрүйэхтэниҥ. 

🔸Дьиэҕэ киириэххит иннинэ үчүгэйдик тэбэниҥ.   

Клещ эккитигэр сыстыбыт буоллаҕына, төбөтүн быспакка тууран ылан эбэтэр травмпууҥҥа туурдаран баран, хайаан да анаалыска туттарыҥ. 

Анаалыска туталлар:

🔹Балыыһаҕа көмө көрдөөн кэллэххитинэ;

🔹ФБУЗ «Центр гигиены и эпидемиологии» улуустарга баар салааларыгар;

🔹ФБУЗ «Центр гигиены и эпидемиологии» лабораториятыгар, Ойуунускай уул., 9.

Тыаҕа, лааҕырга барар оҕолорго клещ тарҕатар энцефалит ыарыытын утары быһыыны туруортарыҥ.