Клещкэ ытыттарыы элбиир

Улуустарга балаһыанньа маннык:

Ленскэй – 286 киһи клещкэ ытыттарбыт;

Алдан – 96;

Өлүөхүмэ – 76;

Нерюнгри - 39;

Хаҥалас – 14;

Сунтаар – 16;

Чурапчы – 11;

Амма – 10;

Ньурба – 8  

Мэҥэ Хаҥалас – 7;

Мииринэй, Таатта – 4-түү;

Үөһээ Бүлүү, Бүлүү, уонна Уус Майа – 3-түү;

Нам – 2;

Горнай, Кэбээйи, уус Алдан – 1-дии;

Дьокуускайга ааспыт ыйга 39 киһи эмсэҕэлээбит буоллаҕына, билигин 41 буолбут.

* * *

Клещ муус устартан алтынньыга диэри кутталлаах. Араас инфекционнай ыарыыны тарҕатар, ол иһигэр энцефалиты.

* Айылҕаҕа тахсаргытыгар эккитин барытын бүөлүүр таҥастаах буолуохтааххыт. 

* Акарициднай ыстарар эмтэринэн туттуҥ.

* Сөп буола-буола, клещ сыстыбытын-суоҕун бэрэбиэркэлэнэр үөрүйэхтэниҥ. 

* Дьиэҕэ киириэххит иннинэ үчүгэйдик тэбэниҥ.   

Клещ эккитигэр сыстыбыт буоллаҕына, төбөтүн быспакка тууран ылан эбэтэр травмпууҥҥа туурдаран баран, хайаан да анаалыска туттарыҥ. 

Анаалыска туталлар:

* Балыыһаҕа көмө көрдөөн кэллэххитинэ;

* «Центр гигиены и эпидемиологии» ФБУЗ улуустарга баар салааларыгар;

* «Центр гигиены и эпидемиологии» ФБУЗ лабораториятыгар, Ойуунускай уул., 9.

Тыаҕа, лааҕырга барар оҕолорго клещ тарҕатар энцефалит ыарыытын утары быһыыны туруортарыҥ.