Кирэдьиит туһунан 10 туһалаах сүбэ

1. Сөбүлэҥ түһэрсиллибит, илии баттаһыы оҥоһуллубут да түгэнигэр, кирэдьииттэн аккаастаныахха сөп:

• тус сыаллаах кирэдьииттэн 30 хонук иһинэн
• тус сыала суохтан 14 хонук иһинэн

2. Кирэдьиит ылыах иннинэ атын кирэдьииттэр каарталаргытын сабыҥ:

• Оннук түгэҥҥэ баан элбэх сууманы бигэргэтиэн сөп

3. Кэмиттэн кэмигэр кыра-кыра сууманы кирэдьиити эрдэ сабар сыаллаах угуу уонунан тыһыынчаны кэмчилиэн сөп.

4. Кирэдьиит каникула – босхо буолбатах.

Ол эбэтэр баан бу кэмҥэ син биир бырыһыанын ааҕа турар.

5. Хас да бааҥҥа тэҥинэн кирэдьииккэ сайаапка биэрии рейтиҥҥин түһэриэн сөп.

6. Маҕаһыыҥҥа табаары бытарытан төлөтөр өҥөлөрө потребительскай кирэдьиит буолуон сөп.

7. Потребительскай кирэдьиит бырыһыана Арассыыйа баанын ыстаапкатыттан намыһах буолбат.

Баан син биир бэйэтин барыһын мүччү туппат, атын, ураты усулуобуйалар кистэнэ сылдьар буолуохтарын сөп.

8. Потребительскай кирэдьиит – кыра сыаналааҕы атыылаһарга саамай ночооттоох кирэдьиит. Ол оннугар бырыһыана суох болдьохтоох уонна кешбек бырагыраамалаах кирэдьиит каартатын арыйар ордук.

9. Кирэдьиити эрдэ, болдьоҕун иннинэ сабар туһугар уурар суумаҕытын инники төлөбүрү устубуттарын сарсыныгар угар ордук.

Оннук гынан баан ааҕар бырыһыанын аччатыахха сөп.

10. Кирэдьиит сабыллыбытын туһунан ыспыраапканы үйэ тухары ууруна сылдьар ордук.