Кинигэни таптааччылар бэстибээллэрэ буолуоҕа

Бэстибээлгэ библиотекалар, түмэллэр, коллекционердар, суруйааччылар, кинигэ кыһалара, айар түмсүүлэр уонна уопсастыбаннай тэрилтэлэр кыттыыны ылаллар.

Манна былыргы кинигэлэри, сэдэхтик көстөр таһаарыылары, ааптардартан илии баттааһыннаах кинигэлэри ылыаххытын сөп.

Ону тэҥэ бырагыраамаҕа норуот маастардарыттан уонна худуоһунньуктартан маастар-кылаастар, лекциялар, литературнай көстүүнэй, күрэхтэр, оонньуулар, аһаҕас микрофон, Кырдьаҕас куоратынан экскурсия бааллар.

Бэстибээли тэрийээччи – Дьокуускай куорат историятын музейа.

Буолар күнэ: Атырдьах ыйын 9 күнэ.

Буолар кэмэ: 11:00-17:00 ч.

Буолар сирэ: Кырдьаҕас куорат.

Билсэр төл.: 8-4112-30-06-41 (10:00 – 18:00 ч.).