Кинигэ долбуура: Дьиэ кэргэн бүддьүөтүн харыстыыр үөрүйэхтэр

Холобур, дьиэ кэргэн бүддьүөтүн харыстыыр 6 үөрүйэҕи билиһиннэрэр:

1. Дохуоккутун барытын ааҕыҥ. Дьиэ кэргэн бүддьүөтүгэр устудьуон оҕо истипиэндьийэтэ кытта киирсэр.

2. Ороскуоту барытын, «биир чааскы кофены» кытта суоттааҥ. Дуона суох ороскуоттар балайда суумаҕа тэбэллэр.

3. Ороскуот былаанын оҥостуҥ: бородуукта, сибээс, тырааныспар, ОДьКХ, о.д.а. Манан дьиэ кэргэн булгуччулаах ороскуота төһө буоларын билиэххит.  

4. Ороскуот уонна дохуот кээмэйдэрин тэҥнээн көрүҥ. 2-3 ыйынан дьиэ кэргэн бүддьүөтэ туохха «тэбэнэрин» билиэххит.

5. Булгуччулаах төлөбүрдэри кэмигэр оҥорор үтүө үгэһи олохтооҥ. Иэстээх сылдьыы дьиэ кэргэн эйгэтин түөрэҥнэтэр.

6. Ый аайы төһө эрэ харчыны туспа уурунан иһэргэ үөрэниҥ. Былааннамматах, соһуччу, күүтүллүбэтэх ороскуоттар баар буолуохтарын сөп.