Киирбит эрэ хараҕа хатанар

Үлэ бэтэрээнэ Маргарита Васильевна Никонова билигин төһө да бочуоттаах сынньалаҥар олордор, сайыҥҥы өттүгэр үгүс ыалдьыты дьиэ кэргэнин түмэлигэр көрсөр дьарыктаах. 

Маргарита Никонова, Чамча нэһилиэгин олохтооҕо, библиотекарь идэлээх:

- Экспонаттарбар эһэм, эбэм тутта сылдьыбыт маллара бааллар. Аҕам холкуос бэрэссэдээтэлинэн үлэлии сылдьан  сыллааҕы отчуотун бэйэтэ суруйбута бу биһиги нэһилиэкпит биир кэрчик кэмин туоһута буолар. 
Киирбит эрэ киһи бары сөҕө-махтайа, сэргии көрөр саамай күндү экспонаппынан ийэбиттэн хаалбыт сундуук буолар.
Ийэбэр ийэтэ бэлэхтээбит. 

Бу сундуук кылгас историятыгар тохтоотоххо, соҕурууттан кэлбит эбит. Тимир чеканкатын оһуора нууччалыы. Саха оһуора буолбатаҕа киһи хараҕар быраҕыллар. Дьэ, кэрэ көстүүлээх.
100-тэн тахса сыл хараллыбыт экспонаппар билигин даҕаны кыһыҥҥы соннору уурабын. Үрдүгэр урукку кэм кэрэһиттэрэ сылабаардар кэчигирииллэр.
Манна киирбит эрэ хараҕа хатанар, сэргии, чинчийэ көрөр.