Киин куорат күндү олохтоохторо уонна ыалдьыттара!

СӨ Доруобуйа харыстабылын министиэристибэтин «СПИД-и уонна инфекциялаах ыарыылары эрдэттэн сэрэтэр уонна ыарыы тарҕаныытын утары үлэлэһэр өрөспүүбүлүкэтээҕи киин» ГБУ эһигини 5 социальнай суолталаах, ордук тарҕаныан сөптөөх инфекция баарын-суоҕун быһаарар экспресс-тургутугу (тестированиены) буор босхо ааһаргытыгар ыҥырар.

Ол курдук эһиги түгэни туттумахтаһан:

• Анал анаалыстары босхо туттаран, ВИЧ, В уонна С гепатиттар, сифилис уонна сэллик курдук сэрэхтээх ыарыы баарын-суоҕун быһааттарар кыахтааххыт. Онуоха хаан анаалыһын хас биирдии киһиэхэ тус-туһунан автоматическай скарификатор көмөтүнэн туттараҕыт. Тест түмүгэ бэрт түргэнник, 15 мүнүүтэ иһинэн, биллэр. Тустаах киһиэхэ бэйэтигэр эрэ биллэрэллэр.
• Үөһэ ахтыллар ыарыылартан хайдах харыстанар уонна доруобуйаҕыт туругар сыһыаннаах ыйытыыларга сүбэ-соргу ылыаххытын сөп. 

Тоҕо тиэстэнэр нааданый?

Инфекцияны төһөнөн эрдэ булан, быһааттаран, эмтэниини саҕалыыгын да, оччонон эмтэнэр, үтүөрэр кыах биллэ улаатар. Ону таһынан чугас, ыкса алтыһар дьоҥҥутун сутуйар куттал туоруур; ол эбэтэр дьоҥҥут доруобуйатын харыстыыгыт. Бу ыарыылар уһун кэмҥэ биллибэккэ сылдьыахтарын сөп, онон баалатар да куттал улахан.

Ханна уонна хаска тиийэбит?

Экспресс-тиэһи бэс ыйын 23 күнүттэн саҕалаан куорат сөтүөлүүр сиригэр уонна Култуура уонна сынньалаҥ пааркатыгар (Ыччат күнүн чэрчитинэн) тутан саҕалаабыттара.

Бэс ыйын 29-30 күннэригэр Дьокуускай Орджоникидзе болуоссатыгар күнүс 15 чаастан киэһэ 19 чааска диэри эһигини күүтэллэр.

Бу туһунан «СПИД-и уонна инфекциялаах ыарыылары эрдэттэн сэрэтэр уонна ыарыы тарҕаныытын утары охсуһар өрөспүүбүлүкэтээҕи киин» иһитиннэрэр.