Киин куорат бассейннара

Бу угуйук буолбатах, ааҕааччыларбыт туһанныннар диэн санааттан бэлэмнээтибит.

«Чолбон»

Бу социальнай суолталаах эбийиэк 2012 сыллаахха аһыллыбыта. Харбааһыҥҥа дьарыктар тиһигин быспакка ыытыллаллар, туох баар улахан таһымнаах күрэхтэһиилэр эмиэ манна тэриллэллэр. Турар сирэ табыгастаах буолан, сылдьааччы ахсаана хайа да кэмҥэ аҕыйаабат, мэлдьи элбэх. 

Устата – 50 миэтэрэ, дириҥэ – 2,2 миэтэрэ, 10 сөтүөлүүр суоллаах. Старт уонна финиш электроннай систиэмэтэ Италия технологиятынан таҥыллыбыт, үлэҕэ саҥа киирэрин саҕана «Арассыыйаҕа 50-ча эрэ маннык бассейн баар» диэн суруйбуппут.

Үлэлиир эрэсиимэ:

Бэнидиэнньик-бээтинсэ – сарсыарда 07:00 чаастан 21:00 чааска диэри.

Субуота-баскыһыанньа – сарсыарда 08:00 чаастан 20:00 чааска диэри.

Аадырыһа: Поярков уул., 26

Төл.: 40-28-12

Чэпчэтии кимиэхэ көрүллэрий?

100% чэпчэтиинэн туһаналлар:

- Аҕа дойду Улуу сэриитин кыттыылаахтара уонна инбэлииттэрэ, Социалистическай үлэ Дьоруойдара, Арассыыйа Дьоруойдара;

- бойобуой дьайыылар инбэлииттэрэ;

- 1-кы, 2-с группалаах инбэлииттэр, инбэлиит оҕолор;

- оҕо дьиэлэригэр олорор уонна интэринээт оскуолаларга үөрэнэр тулаайах оҕолор, төрөппүт көрүүтэ-истиитэ суох хаалбыт оҕолор;

- биэс уонна онтон элбэх оҕолоох ыаллар;

50% чэпчэтиинэн туһаналлар:

- бойобуой дьайыылар бэтэрээннэрэ;

- 3-с группалаах инбэлииттэр;

- үс, түөрт оҕолоох ыаллар;

- биэнсийэлээхтэр;

- устудьуоннар;

- ГТО-ҕа кыһыл көмүс бэлиэлээхтэр.

40% чэпчэтиинэн туһаналлар:

- ГТО-ҕа үрүҥ көмүс бэлиэлээхтэр.

30% чэпчэтиинэн туһаналлар:

- ГТО-ҕа боруонса бэлиэлээхтэр.

25% чэпчэтиинэн туһаналлар:

- диспансеризацияны ааспыт дьон, «Саха сирин олохтооҕо каартаны» көрдөрөн баран.

10% чэпчэтиинэн туһаныахха сөп:

Өскөтүн COVID‑19 ыарыыттан быһыыны ылбытын туһунан туоһу суруктаах, ону QR-куодунан бигэргэтэр буоллахха.

Саха сиригэр олорор СВО кыттыылаахтарыгар уонна кинилэр дьиэ кэргэттэрин чилиэннэригэр (төрөппүттэригэр, кэргэттэригэр, 18-гар диэри саастаах оҕолоругар)

- СВО кыттыылааҕар – 100%;

- СВО кыттыылаахтарын дьиэ кэргэттэрин чилиэннэригэр (төрөппүттэригэр, кэргэттэригэр, 18-гар диэри саастаах оҕолоругар) – 50%.

- Атын чэпчэтиилэргэ эбиллибэт.

- Туох ирдэнэрэ: бойобуой дьайыылар бэтэрээнин дастабырыанньата, сокуонунан эр-ойох буолууну туоһулуур сибидиэтэлистибэ, оҕо төрөөбүтүн туһунан сибидиэтэлистибэ.

«Долгун» СӨ Үүнэр көлүөнэлэрин пуондатын үбүлээһининэн 1998 сыллаахха тутуллубута.

Улахан ванна кээмэйэ – 25х11 миэтэрэ, 5 сөтүөлүүр суоллаах, муҥутуур дириҥэ – 3,4 миэтэрэ, чычаас өттө – 1,2 миэтэрэ. Биир сеанска 50 киһи тэҥҥэ киириэн сөп.

Кыра ванна кээмэйэ – 11х6,5м, муҥутуур дириҥэ – 1,2 миэтэрэ, чычаас өттө – 0,9 миэтэрэ. Биир сеанска 16 оҕо тэҥҥэ дьарыктаныан сөп.

Үлэлиир эрэсиимэ:

Бэнидиэнньик-субуота: сарсыарда 08:00 чаастан 20:30 чааска диэри.

Баскыһыанньа – өрөбүл күн.

Аадырыһа: Каландаришвили уул., 15.

Төл.: 49-66-37

Чэпчэтии кимиэхэ көрүллэрий?

Биирдэ туттуллар билиэккэ уонна абонемеҥҥа 10% чэпчэтии:

- элбэх оҕолоох ыалларга (дастабырыанньа ирдэнэр);

- СВО кыттааччыларыгар уонна кинилэр төрөппүттэригэр, оҕолоругар (ыспыраапка наада);

- Биэнсийэлээхтэргэ биирдэ туттуллар билиэккэ (дастабырыанньаҕытын умнумаҥ)

«Сулус» физкултуура-чэбдигирии комплексын бассейна

«Газпром – оҕолорго» бырагыраама чэрчитинэн тутуллан, 2022 сыллаахха үлэҕэ киирбитэ. Ол эрээри бассейн бырайыагар алҕастар биллибиттэрин кэннэ спорт комплексын сабан баран сөтүөлүүр сирин уларытар туһунан быһаарыы ылыллыбыта.

Спорт миниистирэ Леонид Спиридонов иһитиннэрбитинэн, 25 миэтэрэ усталаах бассейн сөтүөлүүр сирэ көтүрүллэн, хос оҥоһуллубут, инженернэй ситимэ барыта уларытыллыбыт, ону таһынан косметическай үлэ түмүктэммит. Ити киэҥ далааһыннаах өрөмүөн кэнниттэн сэтинньи 13 күнүгэр аһылынна.

Үлэлиир эрэсиимэ:

Бэнидиэнньик-бээтинсэ – сарсыарда 10:00 чаастан 20:00 чааска диэри.

Субуота-баскыһыанньа – сарсыарда 10:00 чаастан 20:00 чааска диэри.

Аадырыһа: Можайскай уул., 33.

Төл.: 31-93-37

Чэпчэтии кимиэхэ көрүллэрий?

100% чэпчэтиинэн туһаналлар:

- Аҕа дойду Улуу сэриитин кыттыылаахтара уонна инбэлииттэрэ, Аҕа дойду сэриитин Дьоруойдара, Сэбиэскэй Сойуус Дьоруойдара, Арассыыйа Дьоруойдара, Албан Аат уордьан толору кавалердара;

- бойобуой дьайыылар инбэлииттэрэ;

- 1-кы, 2-с группалаах инбэлииттэр, инбэлиит оҕолор;

- оҕо дьиэлэригэр олорор уонна интэринээт оскуолаларга үөрэнэр тулаайах оҕолор, төрөппүт көрүүтэ-истиитэ суох хаалбыт оҕолор;

- биэс уонна онтон элбэх оҕолоох ыаллар.

50% чэпчэтиинэн туһаналлар:

- бойобуой дьайыылар бэтэрээннэрэ;

- 3-с группалаах инбэлииттэр;

- үс, түөрт оҕолоох ыаллар;

- биэнсийэлээхтэр;

- устудьуоннар;

- ГТО-ҕа кыһыл көмүс бэлиэлээхтэр.

40% чэпчэтиинэн туһаналлар:

- ГТО-ҕа үрүҥ көмүс бэлиэлээхтэр.

30% чэпчэтиинэн туһаналлар:

- ГТО-ҕа боруонса бэлиэлээхтэр.

25% чэпчэтиинэн туһаналлар:

- диспансеризацияны ааспыт дьон, «Саха сирин олохтооҕо каартаны» көрдөрөн баран.

10% чэпчэтиинэн туһаныахха сөп:

Өскөтүн COVID‑19 ыарыыттан быһыыны ылбытын туһунан туоһу суруктаах, ону QR-куодунан бигэргэтэр буоллахха.

«Самородок»

Устата – 25 миэтэрэ, дириҥэ – 4,5 миэтэрэ, 6 сөтүөлүүр суоллаах. Улахан ванна спортивнай харбааһыҥҥа уонна аквааэробикаҕа аналлаах. Кыра ванна 5-8 саастаах оҕолорго, дьиэ кэргэнинэн дьарыктанарга барсар.

Үлэлиир эрэсиимэ:

Бэнидиэнньик-бээтинсэ – сарсыарда 07:30 чаастан 20:00 чааска диэри.

Субуота-баскыһыанньа – сарсыарда 08:20 чаастан 19:05 чааска диэри.

Аадырыһа: Орджоникидзе уул., 28

Төл.: 42-41-44

Чэпчэтии кимиэхэ көрүллэрий?

100% чэпчэтиинэн туһаналлар:

- Аҕа дойду Улуу сэриитин кыттыылаахтара уонна инбэлииттэрэ;

- ССРС уонна РФ Дьоруойдара, Албан Аат уордьан толору кавалердара;

- бойобуой дьайыылар инбэлииттэрэ уонна бэтэрээннэрэ, 1-кы, 2-с группалаах инбэлииттэр, инбэлиит оҕолор;

- үөрэх-эрчиллии бөлөхтөрүгэр (УТГ) дьарыктанар инбэлииттэр;

- оҕо дьиэлэригэр олорор уонна интэринээт оскуолаларга үөрэнэр тулаайах оҕолор, төрөппүт көрүүтэ-истиитэ суох хаалбыт оҕолор;

- биэс уонна онтон элбэх оҕолоох ыаллар;

- байыаннай сулууспалаахтар дьиэ кэргэттэрэ (кэргэттэр, оҕолор).

50% чэпчэтиинэн туһаналлар:

- 3-с группалаах инбэлииттэр;

- үс, түөрт оҕолоох ыаллар;

- биэнсийэлээхтэр, спорт бэтэрээннэрэ;

- ГТО-ҕа кыһыл көмүс бэлиэлээхтэр.

40% чэпчэтиинэн туһаналлар:

- ГТО-ҕа үрүҥ көмүс бэлиэлээхтэр (атын чэпчэтиилэргэ эбиллибэт).

30% чэпчэтиинэн туһаналлар:

- ГТО-ҕа боруонса бэлиэлээхтэр (атын чэпчэтиилэргэ эбиллибэт).

25% чэпчэтиинэн туһаналлар:

- диспансеризацияны ааспыт физическэй сирэйдэр.

Бу этиллибит спорт эбийиэктэригэр төлөбүрдээх өҥө элбэх, ону суруйбатыбыт. Абонемент ылар барыстаах.  Чэпчэтиинэн туһанарга ирдэниллэр докумуоннары чуолкайдаһар уонна укта сылдьар ордук.  Чэгиэн буолуҥ, спорду таптааҥ!