Киин куорат аэропордугар бэрэбиэркэни хайдах аһаралларый?

СӨ Тырааныспарга министиэристибэтэ Дьокуускай аэропордугар киириигэ куттал суох буолуутугар бэрэбиэркэ ааһарга уларыйбыт быраабылалары санатар. Мобильнай төлөпүөннэри дьааһыкка угуохха наада. Урут металлодетектор аттыгар остуолга хаалларыахха сөп эбит буоллаҕына, билигин тэрил суумкалары кытта интроскоп нөҥүө ааһыахтаах.

Ноутбуктар, планшеттар, күлүүстэр, тимир харчылар, чаһылар, электроннай сигарета уонна тимирдээх туох баар барыта, холобур, ыстыыр ыас (жвачка) да буоллун, табах эбэтэр хаалаах эмп-томп эмиэ дьааһыкка ууруллуохтаахтар. Пассажирдартан эбэтэр атаара кэлбит дьонтон ханнык баҕарар гаджеты холботуохтарын сөп; бу билигин олоҕурбут бэрэбиэркэни ааһыы буолла.