Киин куоракка сахалыы эйгэ кэҥиирин туһугар

2026 сылга бу бириэмийэ лауреаттарынан биэс педагог ааттанна:

- Егорова Капиталина Семеновна, А.Г. уонна Н.К. Чиряевтар ааттарынан национальнай гимназия учуутала;

- Молукова Людмила Федоровна, 31 №-дээх оскуола учуутала;

- Жиркова Розалия Григорьевна, «Кэнчээри» 72 №-дээх уһуйаан иитээччитэ;

- Осипова Зоя Валериевна, «Светлячок» 13 №-дээх уһуйаан иитээччитэ;

- Хомподоева Инга Валерьяновна, Саха гимназиятын алын сүһүөх кылааһын учуутала.

Санатар буоллахха, саха тылын, литературатын уонна төрүт култуура бастыҥ учууталларыгар бириэмийэни олохтуур туһунан Дьокуускай 30п №-дээх уурааҕы баһылык Евгений Григорьев 2023 сыл олунньу 13 күнүгэр баттаабыта.