Киин куоракка «Блокада килиэбэ» аахсыйа ыытыллыаҕа

Ленинград куорат өстөөх иилии эргийиититтэн босхоломмут күнүнэн тохсунньу 27 күнүгэр Дьокуускай куоракка Бүтүн Арассыыйатааҕы «Блокада килиэбэ» аахсыйа ыытыллыаҕа. 
Бу күн волонтердар киин куорат үс бөдөҥ эргиэн киинигэр «блокада килиэбин» түҥэтиэхтэрэ — «Проспект», «СахаЭкспоЦентр» уонна «Туймаада» маҕаһыыннарга. Аахсыйа күнүс 15:00 чаастан киэһэ 18:00 чааска диэри ыытыллыаҕа.
«Бу күн биһиги блокада ыар күннэрин билбиттэри уонна кинилэри босхолообут буойуттары чиэстиибит. Ленинград куораты өстөөх иилии эргийиититтэн босхолооһун Аҕа дойду сэриитин биир быһаарар оруоллаах түһүмэҕэ буолбута», — диэн СӨ ыччат дьыалатыгар уонна социальнай коммуникацияларга министиэристибэтигэр бэлиэтииллэр.

Хаартыска: Анна Лебединская, СИА