“Киин” киинэ тыйаатырын дьиэтэ – култуура нэһилиэстибэтин эбийиэгэ
Дьокуускайга сэрии сылларыгар тутуллубут, 1942 сыллаахха ыам ыйын 1 күнүгэр аһыллыбыт “Киин” киинэ тыйаатырын дьиэтэ Арассыыйа норуоттарын култуурунай нэһилиэстибэлэрин эбийиэктэрин (история уонна култуура пааматынньыктарын) биир кэлим судаарыстыбаннай реестригэр киирдэ.
Бу туһунан 2025 сыл балаҕан ыйын 16 күнүгэр СӨ Култуурунай нэһилиэстибэ эбийиэктэрин харыстааһыҥҥа управлениетын 127-ОД №-дээх бирикээһэ таҕыста.
Мантан ыла култуура нэһилиэстибэтин эбийиэгэ судаарыстыба өттүттэн харыстабылы эрэйэр, эбийиэги көтүрэр бобуулаах.
Хаартыска: «Киин куорат» хаһыат архыыбыттан