“Киһи барыта суруналыыс буолар кыаҕа суох, оннук дьону көһөҥө таас курдук талыахха наада”

Бу туһунан Арассыыйа бэрэсидьиэнин пресс-сэкирэтээрэ Дмитрий Песков экономика үрдүкү оскуолатыгар «Аныгы медиа: технологиялар, суолталар, каадырдар» конференцияҕа эттэ диэн ТАСС иһитиннэрэр.

“Киһи барыта суруналыыс буолар кыаҕа суох. Иһитиннэриини ирдэнэр гына хаачыстыбалаахтык ылынар, оҥорор, таһаарар ис кыах барыларыгар бэриллибэт. Дьиҥэр, оннук дьон аҕыйахтар, онон кинилэри айылҕаттан бэриллибит талаан быһыытынан талыахха наада”, – диэн бэлиэтээтэ пресс-сэкирэтээр. “Итинник дьон ырыынак үйэтигэр сыаналара ботуччу буолуохтаах. Хомойуох иһин, билигин олох атын балаһыанньаҕа олоробут. Оннук дьон улахан сыанаҕа турбаттар”. Кини бу балаһыанньа уларыйыан наада дии саныыр, ол иһигэр СМИ экономическай тутулуга суох буолуутун үрдэтии.