Кэрэ аҥаардар ордук туох бэлэхтэргэ үөрэллэрий?

Бырааһынньык иннинэ айан путевкалара саамай улахан интэриэһи тардаллар: хас төрдүс хоруйдааччы баҕа санаата эбит (25%). Иккис миэстэҕэ – харчы, хоруйдааччылар 19% ылыахтарын баҕаралларын эппиттэр. Култуурунай сынньалаҥы, ол иһигэр тыйаатырга, мусуойга эбэтэр киинэҕэ билиэттэри кэрэ аҥаардар 8% талбыттар. Бэлэх сэртипикээттэрэ (6%), косметика уонна духуу (5%) биэс бастыҥ бэлэх кэрискэтин түмүктээбиттэр.

Гаджеттар, көмүс киэргэллэр, дьиэҕэ туттуллар бытовой тэриллэр уонна үөрэх куурустара 3% куолаһы ылбыттар. Таҥас-сап, минньигэс аһылыктар, айарга-тутарга аналлаах тэриллэр уонна кинигэлэр ыйытыкка кыттааччы 2% эрэ ылбыттар.

Ураты соҕус баҕа санаалары спортивнай тэриллэр, сыыппара сурутуулар уонна харчыга атыыламмат сыаннастар ылбыттар: үчүгэй настарыанньа, чугас дьонтон болҕомто уонна кыһамньы.

Ол эрээри, дьиҥнээх күүтүллүбүттэн уратылаах. Сибэкки кулун тутар 8 күнүгэр саамай тарҕаммыт бэлэх буолар, маны куорат 60% кэрэ аҥаардарыгар биэрэллэр. Иккис миэстэҕэ минньигэс, чэй уонна кофе набордара (14%), онтон косметика уонна духуу (7%) кэлэллэр. Элбэх киһи баҕарар харчытын 5% эрэ түбэлтэҕэ биэрэллэр эбит. Көмүс оҥоһуктары уонна бэлэх сэртипикээттэрин 4%-гар биэрэллэр, оттон таҥас эбэтэр дьиэ таҥаһын 1% эрэ бэлэхтииллэр. Ону таһынан, ыйытыыга хоруйдааччылартан 12% кулун тутар 8 күнүгэр бэлэх ылбаттарын туһунан эппиттэр.