«Кэнчээри» уһуйааҥҥа саҥа былаһаакка аһылынна

Дьокуускай куорат 21 №-дээх «Кэнчээри» уһуйааныгар «Түһүлгэ» диэн оҕо былаһаакката үөрүүлээх быһыыга-майгыга аһылынна.

Ол курдук, уһуйаан тиэргэнигэр оҕо аймах оонньууругар, алтыһарыгар, сайдарыгар аналлаах аныгылыы тупсаҕай оҥоһуулаах уонна куттала суох эйгэ баар буолла. Былаһаакка Саха сирин уратытын көрдөрөр, ону тэҥэ оҕолор төрөөбүт дойдуларын култууратын уонна үгэстэрин билэн улааталларыгар усулуобуйаны тэрийэр аналлаах. Манна уһуйаан тэрээһиннэрэ ыытыллыахтара.

Былаһаакка үөрүүлээх аһыллыытыгар төрөппүт кэмитиэтин бэрэссэдээтэлэ Тамара Бережнева,Октябрьскай уокурук сүрүн исписэлииһэ Светлана Павлова, Дьокуускай Үөрэххэ управлениетын оскуола иннинээҕи салаатын сүрүн исписэлииһэ Светлана Афанасьева уонна Олохтоох көҕүлээһиннэри өйүүр бырагыраама үп-экэниэмикэ салаатын сүрүн исписэлииһэ Наталья Федотова кытыннылар.