Сулустар кэпсииллэр

♈ Хой

Үлэҕэ уонна тус олоххо бэрээдэги олохтуур кэм. Күүһүҥ-кыаҕыҥ элбэх буолуоҕа. Ол эрээри сэттэ куобаҕы тэҥинэн сырса сатаама. Сүрүн, тутаах сыалгар ордук болҕой. Үбү-харчыны үлүбээй туттума.

♉ Оҕус

Тугу эмэ уларытарга, былаанныырга үчүгэй күннэр иһэллэр. Дипломаттыы сатабылыҥ доҕотторгун эбэтэр үлэҥ дьонун кытта өйдөһөргө көмөлөһүө. Тас көстүүгүн, сэбэрэҕин тупсарынарыҥ мэһэйдиэ суоҕа.

♊ Игирэлэр

Саҥа сонун-сурах соһутуон сөп. Ол эрээри буолар түгэни атын өттүттэн эмиэ көрө үөрэн. Кэлэр кэми былааннаа, кэскилгин торумнаа.Төрөппүттэргиниин кэпсэт.

♋ Араак

Чугас дьоҥҥор уонна дьиэ кэргэҥҥэр болҕомто уурарыҥ уолдьаста. Дьиэҕэ-уокка уоскулаҥ, ил-эйэ олохсуйуута эйигиттэн тутулуктаах. Сүрэххэр барытын чугастык ылыныма, бэйэҕин да харыстан.

♌ Хахай

Урукку ситиһиилэри хатылыы сатаабакка, саҥа суоллары тобулар ордук. Күүстээх үлэ кэнниттэн сынньана, санааҕын сааһылана түс. Айылҕаҕа сырыт.

♍ Кыыс Куо

Бэйэҥ күүскэр-кыаххар эрэнэ үөрэн. Атыттар сүбэлэрин ылыммат түгэҥҥэр тус көрүүгүн туора дьоҥҥо олус соҥноомо, кыыһырыма. Киэҥ көҕүстээх, холку буол.

♎ Ыйааһын

Инникини былаанныырга барсар, үчүгэй кэм. Ол гынан баран, бастаан утаа эрдэ саҕалаан баран ситэрбэккэ сылдьыбыт дьыалаларгын ситэрэриҥ, дьиэҕин хомуна, өрө тарда түһэриҥ ордук.

♏ Скорпион.

Суһал быһаарыныы ирдэнэр түгэнэ күөрэйиэх курдук. Уһуннук мунаахсыйыы сыыһа суолга тиэрдиэн сөп. Онон ис таайан көрөр дьоҕургун иһит. Сөптөөх суолу тобулуоҥ.

🏹 Охчут

Айар куту сайыннарарга, уһуйууну ааһарга бэртээхэй кэм. Кыһамньылаахтык үлэлээтэххинэ, табыллыы, ситиһии кэлиэ. Айан-сырыы да ситиһиилээх буолсу.

♑ Чубуку

Үлэ уонна үп-харчы боппуруостарыгар бэрт сэрэхтээх буолуу ирдэнэр кэмэ үүннэ. Туох эмэ уустук үөскээтэҕинэ, дьон көмөтүгэр буолбакка, тус бэйэ кыаҕар эрэнэриҥ ордук.

♒ Күрүлгэн

Соһуччу сонун, хамсааһын олоххо уларытыылары киллэриэн сөп. Эрэллээх доҕоттор күүс-көмө буолуохтара. Бэйэҥ күүстээх санааҥ, эрэллээх уонна уларыйыыга бэлэм буолууҥ кыайыыга тиэрдиэ.

♓ Балыктар

Атын, туора дьон кыһалҕаларын бэйэҕэр ылыныма. Дууһаҥ тугу баҕарарын уонна тус доруобуйаҕын инники күөҥҥэ тутарга дьулус. Харчыгын ааҕан-суоттаан тутун. Аһыы утахха саантаама.