Сулустар кэпсииллэр: балаҕан ыйын 21-27 күннэрэ

Кэлэр нэдиэлэ бары да бэлиэлэргэ уһуннук соспут биитэр ситэрэ илик дьыаланы түмүктээн, саҥа соруктары ылынарга тоҕоостоох кэм. 
 

Хой
Олоххутугар быһаарыныы ылынар кэмҥит тирээн кэлбит. Саҥа дьыалаҕа, сорукка дьулуһуҥ. Сүрүнэ, үбү-харчыны харыстаан туттуҥ.
 

Оҕус
Бу нэдиэлэ  эһиэхэ бэрт холкутук ааһыаҕа. Доруобуйаҕытыгар уонна чугас дьоҥҥутугар болҕомтоҕутун туһаайыҥ.
 

Игирэлэр
Кыраттан кыйаханар, кыйыттар быһыыны суох оҥорорго дьулуһуҥ. Саҥа билсиһии, сонун көрсүһүү балай эмэ баар курдук.

Араак
Сүпсүлгэннээх үлэ күүтэр, ол эрээри сынньана, күүс ылына түһэргэ хайаан да быыс, иллэҥ буларга дьулуһуҥ. Доруобуйа чааһа этэҥҥэ.

Хахай
Тус олоххор бэлиэ уларыйыылар баар буолуохтарын сөп. Хайа да түгэҥҥэ санааны түһэрбэт куолу. Айылҕаҕа сынньаныы эбии күүһү-кыаҕы биэриэ. 

Кыыс Куо
Үлэҕэ уонна үп-харчы дьыалатыгар бэрээдэги олохтуурга табыгастаах нэдиэлэ. Истибиккитин барытын ыраас мууска ылынан иһимэҥ. Иһитиннэриини сиидэлии үөрэнэр ордук.

Ыйааһын
Дьону кытта сыһыаны тупсарарга уонна саҥа партнёрдары булунарга тоҕоостоох нэдиэлэ.  Төрөппүттэргин кытта сибээскитин сүтэримэҥ.

Ооҕуй
Бу кэлэр нэдиэлэҕэ чуолаан сынньалаҥҥа, чуумпуран иһийэ түһүүгэ уонна доҕоттору кытары көрсүһүүгэ болҕомтону хатыыр ордук. Битэмииннээх чэйдэ, утахта ис.

Охчут
Айар үлэҕэ уонна билиини-көрүүнү сайыннарарга ситиһиилээх нэдиэлэ. Кинигэтэ ааҕыҥ, туһалааҕы сомсорго кыһаллыҥ. Эккитин-хааҥҥытын эрчийиҥ.

Чубуку
Сыалы-соругу толорон тэйэр дьулуургутун күүһүрдүҥ, тулуурдаах, киэҥ көҕүстээх буоларга үөрэниҥ. Үөрэх, үлэ даҕаны сүрэхтээх буолууну ирдиир.

Күрүлгэн
Саҥа санаа киирэр уонна соһуччу сорук үөскээн тахсар кэмэ. Барытын эрдэттэн былааннаан баран дьаһаныҥ. Туһата суох алтыһыылары аҕыйатыҥ.

Балыктар
Ордук ис туруккутугар болҕойуҥ. Чугас дьоҥҥутугар болҕомтолоохтук сыһыаннаһыҥ. Туора дьон мөккүөрүгэр кыбыллыбакка, ыраах сылдьыҥ.