“Кэлэр кэми бииргэ уһансабыт”

Крым Арассыыйаны кытта холбоспут историческай түгэнин “Кэлэр кэскили бииргэ уһансабыт” диэн бырааһынньыктааҕы кэнсиэринэн бэлиэтээтилэр. Көрө кэлбиттэри, кыттааччылары куорат баһылыгын солбуйааччы Георгий Гаврильев уонна СӨ Уопсастыбаннай палаататын бэрэссэдээтэлэ Станислав Иванов эҕэрдэлээтилэр. 
Станислав Иванов 2014 с. кулун тутар 18 к. ыытыллыбыт референдумҥа нэһилиэнньэ 96 %на  Арассыыйа састаабыгар киирэргэ куоластаабытын санатта. Ол эбэтэр, 11 сыл анараа өттүгэр Крым Өрөспүүбүлүкэтэ уонна  Севастополь куорат историческай дойдуларыгар биир санаанан холбоспуттара. 

«1783 с. Крым тумул арыыта Арассыыйа Империятыгар киирбитэ, оттон  1964 с. ССРС салалтата бу сири Украина АССР-га биэрэргэ быһаарбыта. Күн бүгүн Арассыыйа Федерациятын толору бырааптаах субъега буолар, тэтимнээхтик чэчирии сайдар. Крым сиригэр-уотугар олорор араас омуктар бары Крым – Арассыыйа сирэ буолар диэн бигэ санаалаахтар”,– диир Георгий Гаврильев. Кини ыччакка Крым тумул арыытын историятын кэпсээн туран, Арассыыйаҕа оруолун,  суолтатын быһаарда.

Эмиэ бу күн, бэлиэ даатаҕа сыһыаран, Хомсомуол болуоссатыттан Орджоникидзе болуоссатыгар диэри Арассыыйа былаахтаах автопробег буолла. Маны Дьокуускай к. уопсастыбаннай сибээскэ уонна ыччат бэлиитикэтигэр управление тэрийэн ыытта. 
Крым уонна Севастополь хайалара да олоҕурбут үгэстээх, баай историялаах, култууралаах эрэ буолбакка, экономическай, социальнай уонна культурнай өттүнэн сайдар кэскиллэрэ лаппа улахан. 
Бу туһунан Куорат уокуруктааҕы дьаһалтатын пресс-сулууспата иһитиннэрэр.