Кэлээскэлэр параадтара, Ириска клоунесса, онтон да атын эһигини күүтэр

Бэстибээлгэ киирии босхо, бары ыалдьыттары партнердартан туһалаах уонна аралдьытар тэрээһиннэр, аниматордар бырагыраамалара, Ириска клоунесса, оҕо кэлээскэлэрин параада, спортивнай күрэхтэһиилэр уонна да атын сынньанар дьарыктар күүтэллэр. Кыайыылаахтарга бириистэр туттарыллыахтара.

Бастакы-төрдүс кылаас үөрэнээччилэригэр, кинилэр ийэлэригэр уонна аҕаларыгар (үс киһилээх хамаандаҕа) «Ийэм, аҕам, мин – спортивнай дьиэ кэргэним» диэн спортивнай күрэхтэһиилэр тэриллиэхтэрэ.

«Косплей параада: көлөлөөх персонажтар» куонкурус кыайыылааҕар сүрүн бириис — Bugaboo Butterfly 2.0 оҕо кэлээскэтэ туттарыллыаҕа. Бырааһынньык партнердара оҕолорго туһалаах маастар-кылаастары ыытыахтара, сүбэ-ама биэриэхтэрэ. Маны таһынан, бырааһынньыкка фудкорт, минньигэс астар уонна оонньуулар тэриллэллэр.

Куонкурустарга сайаапкалары маннык каналга биэриэххитин сөп: https://max.ru/join/6tdZDfcJ1r85zkw7DC9ginwz3IukhScYABQgmIfboB8.

Куонкурустар, балаһыанньалар уонна сайаапкалар пуормаларын туһунан сиһилии иһитиннэрии эмиэ онно угуллубут.

Тэрээһин бэс ыйын 1 күнүгэр 12:00 чаастан 16:00 чааска диэри ыытыллыа.