Кэбээйигэ Олоҥхо конференциятыгар 19 улуус дэлэгээссийэтэ кыттарга бэлэм

Бүгүҥҥүттэн, кулун тутан 10 күнүттэн, саҕалаан Кэбээйигэ үс күннээх Олоҥхо конференцията саҕаланна. Тэрээһиҥҥэ өрөспүүбүлүкэ 19 улууһуттан 1,2 тыһыынча кэриҥэ киһи мустара күүтүллэр. 

XVI «Ысыах Олонхо в Кобяйском улусе: хранители традиции, озёрная культура, творческие индустрии» өрөспүүбүлүкэтээҕи научнай-методическай конференция быйыл от ыйыгар Кэбээйигэ ыытыллаары турар Олоҥхо ыһыаҕын наука өттүнэн ис хоһоонун көрүөҕэ.

Конференция түмүгүнэн Олоҥхо III Уон сылын былаана торумнаныаҕа, муниципалитеттар таһымнарыгар фольклору, илиинэн оҥоһугу, төрүт тылы харыстааһыны кэтээн көрүү критерийдэрэ бигэргэниэҕэ.