Капитоновка уулуссата «Олох инфраструктурата» нацбырайыагынан оҥоһулунна

Ол курдук, быйыл куорат таһынааҕы Капитоновка сэлиэнньэтэ Заречная уулуссатын 700 миэтэрэлээх кэрчигэр хапытаалынай өрөмүөн ыытылынна. Тутуу бэдэрээтчитэ – «Тулаһын» ХЭУо. Сакаасчыт – «Главстрой» муниципальнай хааһына тэрилтэтэ.

Өрөмүөн чэрчитинэн уу, уот, ититии, канализация, гаас ситимнэрэ бары саҥардылыннылар, даамба оҥоһуллуохтаах сиригэр үстүү миэтэрэ диамиэтэрэлээх 2 турба уурулунна. Суол аспаалланна, бордюрданна.

Санатар буоллахха, дойду баһылыга Владимир Путин көҕүлээһининэн олоххо киирэр «Олох инфраструктурата» национальнай бырайыагынан быйыл Дьокуускай куоракка уулусса-суол ситимин 9 эбийиэгэр үлэ барда. Ол түмүгэр 12,304 км усталаах суол нуормаҕа сөп түбэһэр турукка тиэрдиллэн эрэр, диэн Олохтоох дьаһалта пресс-сулууспата иһитиннэрэр.