Кангалааска дьиэҕэ ыҥырыынан сылдьар быраас наада
Олохтоох дьаһалта 2024 сыллааҕы үлэтин түмүгүн уонна 2025 сылга былааннарын туһунан отчуоту Кангалаас олохтоохторугар куорат баһылыгын солбуйааччы Антон Алексеенко оҥордо.
Антон Алексеенко 2024 сыл бэлиэ түгэннэринэн Арассыыйа бэрэсидьиэнин быыбарын, Дьокуускайга Владимир Путин кэлэн барыытын уонна VIII-с «Азия оҕолоро» оонньуулары ааттаата.
Биллэн турар, Владимир Путин өйөбүлүн ылбыт куорат маастар-былаанынан былырыын үс бөдөҥ бырайыак олоххо киирбитин – Ленин болуоссата, Р.М. Дмитриев аатынан уонна Сайсары эбэ кытыллара, билигин 23 бырайыак үлэҕэ сылдьарын, 2030 сылга диэри уопсайа 90 бырайыак былааннаммытын бэлиэтээтэ.
2024 сылга Кангалааска Ольховай уул. муоста уонна суол хапытаалынай өрөмүөнэ ыытыллыбыта, Ленин пр., 14 спорт былаһаакката үлэҕэ киирбитэ.
2025 сылга Дачнай түөлбэҕэ үлэ ыытыллаары турар.
Олохтоохтортон хаарбах дьиэттэн көһөрүү, баһаарынай чааһы тутуу, саппараапка ыстаансыйатын сабыы, спорт саалатын хааччыйыы, Тулагыттан Кангалааска диэри суолу тутуу, култуура дьиэтин сыбаайаларын туруоруу уонна Комсомольскай уул.. 3а дьиэтин өрөмүөнүн туһунан уо.д.а. ыйытыылар киирдилэр.
Кангалаас олохтоохторун би сүрүн кыһалҕата – дьиэҕэ ыҥырыынан үлэлиир быраас уонна педиатр суоҕа, диэн Олохтоох дьаһалта пресс-сулууспата иһитиннэрэр.
Сонуннар
Ордук ааҕаллар
