Күөх луук туһата баһаам

Биһиэхэ күөх луук 13 көрүҥэ баар. Саха сирин бүттүүнүгэр өлгүмнүк үүнэр көрүҥ аата “скорода” диэн эбит.
Наука быһаарарынан, күөх луук кальцийынан, фосфорынан, В, С, К, Е, А битэмииннэринэн баай. Ону тэҥэ киһиэхэ олус наадалаах селен, цинк, марганец курдук микроэлеменнэрдээх – киһи ыарыыны утары охсуһар кыаҕын күүһүрдэллэр.

Оттон норуот эмчитэ Лариса Неустроева-Сарыада кэпсээбитинэн, күөх луук киһи доруобуйатыгар бары өттүнэн туһалаах. Оннооҕор үргүү сылдьан, кырбыы олорон илиибит сүһүөҕүн эмтэнэр эбиппит. Ону тэҥэ күөх луук киһи аппетитын көтөҕөр, ис-үөс үлэтин тупсарар. Ол эрэн холестериннара үрдүк дьон сэрэнэн сиэхтээхтэр.