Күөх луук сыаната төһөнүй?

Ортотунан ыллахха, сыана ханна да биир. Киилэ аҥаардаах хонуу лууга ааспыт нэдиэлэҕэ 800 солк. турбут эбит буоллаҕына, билигин 500-600 солк. булуохха сөп. Биир биллэриигэ иллэрээ күн хомуллубут чучунаах 400 солк. турар. Оттон  өрүс кытыытыгар үүнэр күөх луук арыый сыаналаах – 600-650 солк. Сорохтор үстэн элбэх иһити ылар буоллахха, балай эмэ түһэрэллэр эбэтэр дьиэҕэ диэри тиэрдэн биэрэллэр эбит.

Бэйэтэ туспа бренд буолбут Кэмпэндээйи туустаах күөх луук 1 кг – 1000 солк. Угуйуга да сүрдээх: «дьиҥнээх битэмиин буомбата» үһү.

Бу олорон күөх луугу кууһунан туталларын биллибит. 1 кг – 500 солк. Сүрүн ирдэбил – биир да ото-маһа суох, ыраас буолуохтаах.

Саха сирин олохтоохторо айылҕа биэрэр туматын – күөх луугу хомуйар кэммит түмүктэнэн эрэр.  

Биһиэхэ луук 13 көрүҥэ үүнэр. Күөх луук туһатын туһунан бу иннинэ суруйан турабыт. Манна киирэн аах.