Ийэ тыл дэкээдэтин иһинэн тэрээһиҥҥэ ыҥыраллар

📢 «Саха тылын, литэрэтиирэтин, төрүт култууратын оскуолаҕа үөрэтии мэтиэдьикэтин хаапыдырата» Ийэ тыл дэкээдэтин иһинэн саҥалыы ис хоһоонноох, үөрэнээччи төрөөбүт тыл киһи олоҕор, дьылҕатыгар суолтатын туһунан толкуйдуур, ырытар дьоҕурун билгэлиир, көҕүлүүр сыаллаах кэккэ тэрээһин ыытарын туһунан.
 
⭕ ИҺИТИННЭРИИ СУРУК
 
1) Ийэ тылга үтүө сыһыаны көҕүлүүр тыйаатыр-оонньуу күрэҕэ. Оҕолор 5 мүнүүтэттэн уһуна суох видеоролик устан, олунньу 21 күнүгэр диэри ааттаан-суоллаан, ыыталлар. Күрэх түмүгэ олунньу 26-27 күннэригэр биллэр.
2) Өрөспүүбүлүкэ оскуолаларын иһинэн “Үөрэнээччи-үөрэнээччигэ” диэн оҕолору төрөөбүт тылы билиигэ көҕүлүүр, санааларын, толкуйдарын уһугуннарар  сыаллаах “Ийэ тыл киһи олоҕун ис күүһэ”, “Ийэ тыл киһи киһи буолуугугар, сайдыытыгар суолтата” диэн дьоһун тиэмэлэргэ кэпсэтии. Бу тэрээһин чэрчитинэн орто сүһүөх үөрэнээччитэ - кыра кылаас оҕолоругар; үрдүкү сүһүөх үөрэнээччитэ - орто сүһүөх үөрэнээччилэригэр, үрдүкү сүһүөхтэр бэйэ-бэйэлэригэр кылаас чааһын халыыбынан кэпсэтии тэрийэллэр. Дьоһун кэпсэтии сынаарыйын, көрсүһүүттэн хаартыскалары, кэпсэтиини ырытыы түмүктэрин тиһэн, суругунан олунньу 25 күнүгэр диэри ыытыллар.  Үлэ үтүө түмүктэрин тиһэн, учууталга аналлаах элэктэриэн босуобуйа таҥыллан оҥоһуллуо, тустаах учууталга, оскуолаҕа, улууска ситиһии быһыытынан сыаналаныа.
3) Олунньу 14 күнүгэр 16 чаастан куйаар ситимин нөҥүө Өрөспүүбүлүкэ оскуолаларын 10-11 кылаастарын үөрэнээччилэрин икки ардыларыгар ситимнээх түөргү  кэпсэтиини тэрийии. Кэпсэтии маннык тирэх ыйытыыларга олоҕуран барар. Кэпсэтиини сүрүннээччинэн бэдэгиэгикэ хайысхатын 5 кууруһун устудуьоннара буолуохтара. Хас биирдии дакылааччыт 5-7 мүнүүтэлээх иһитиннэрии бэлэмнээн киирэр, санаатын этэр, ыйытыыларга хоруйдуур.
 
⭕ Тэрээһиннэр түмүктэринэн үөрэнээччилэргэ кыттыбыты туоһулуур «Туоһу суруктар», үтүө түмүктэри ситиспиттэргэ «Добун суруктар», учууталларга «Бэлиэ суруктар» туттарыллыахтара. Ол суруктар  биһиги салаабытыгар үөрэххэ киирэр ыччакка эбии баал биэрэр.
 
⭕ Сайаапканы толоруу халыыба:
1) Кыттааччы толору аата, сааһа.
2) Оскуолата, кылааһа.
3) Элэктэриэн аадырыһа, сибээстэһэр төлөпүөнүн нүөмэрэ.
4) Дьиэтээҕи аадырыһа.
 
❗Сайаапканы маннык аадырыска күүтэбит: metodik_iyakn@s-vfu.ru.