20.10.2026 | 14:00 | Просмотров: 81

«Ийэ туһунан норуоттар ыллыыллар» бэстибээл ыытыллыаҕа

Тэрээһин Саха сиригэр Ийэ күнүгэр уонна Арассыыйаҕа Норуоттар сомоҕолоһууларын сылыгар ананар.
«Ийэ туһунан норуоттар ыллыыллар» бэстибээл ыытыллыаҕа
Ааптар: Киин Куорат
Хаартыска: СӨ Ил Дарханын уонна Бырабыыталыстыбатын пресс-сулууспата
Бөлөххө киир

Алтынньы 31 күнүгэр Саха Өрөспүүбүлүкэтигэр «Арассыыйа норуоттара» норуоттар икки ардыларынааҕы нэдиэлэ уонна «Үгэстэр араастара – Саха сирин култуурунай куода» бырагыраама чэрчитинэн сыллата ыытыллар «Ийэ туһунан норуоттар ыллыыллар» диэн норуоттар икки ардыларынааҕы бэстибээл буолуоҕа.

Тэрийээччилэр: Өксөкүлээх Өлөксөй аатынан Норуоттар доҕордоһууларын дьиэтэ уонна СӨ Арассыыйа норуоттарын ассамблеята.

Быйыл бэлиэр 14-с төгүлүн  ыытыллар быраһынньык үгэс быһыытынан араас омук бэрэстэбиитэллэрин түмүөҕэ. Бу киэһэ көрөөччүлэр ийэ туһунан ырыалары сахалыы, нууччалыы, эбээннии, дьүкээгирдии, эрмээннии, кыргыыстыы уо.д.а. тылларынан истиэхтэрэ.

Кэнсиэр бырагырааматын оҕолортон саҕалаан улахан дьоҥҥо тиийэ саастаах ырыа ансаамбыллара уонна соҕотох толорооччулар бэйэлэрин чаҕылхай нүөмэрдэринэн киэргэтиэхтэрэ. Ийэҕэ тапталга билинии ураты тэрээһинигэр кыттааччы сыл аайы элбии турара үөрдэр.   

Эмиэ бу күн «Ийэлэр илиилэригэр норуот үгэстэрин харыстааһын» национальнай-култуурунай холбоһуктар дьахталларын өрөспүүбүлүкэтээҕи форума ыытыллыаҕа.

Сонуннар

06.11.2026 | 19:00
Бэлэх

Ордук ааҕаллар

Убаһа этэ туох кутталлааҕый?
Сытыы муннук | 05.11.2026 | 13:00
Убаһа этэ туох кутталлааҕый?
Идэһэ сезона саҕаланна. Убаһа этэ атыыга таҕыста. Ылан тоҥнуу сиэри салбанан олорооччу элбэх буолуохтаах...
Ытык Күөлгэ Байанай ыйа муҥхаттан саҕаланна
Дьон | 01.11.2026 | 21:07
Ытык Күөлгэ Байанай ыйа муҥхаттан саҕаланна
Өбүгэ үгэһэ салҕанар.
Блиныны арааһыттан боруобалыахха
Сонуннар | 03.11.2026 | 16:00
Блиныны арааһыттан боруобалыахха
Оччотугар хайата ордугун быһаарыахпыт.