«Ивушка» уһуйааҥҥа Бэйэни салайыныы күнэ буолан ааста

Бу күн төрөппүттэр бэйэлэрин иитээччи оруолугар холонон көрдүлэр. Бырайыак саҕаланыан иннинэ ийэлэр уонна аҕалар дьарыктар былааннарын үөрэттилэр, наадалаах инструктажтары аастылар уонна оҕолору кытта үлэҕэ бэлэмнэннилэр.

Күн устата төрөппүттэр кырачааннары сайыннарар араас туһалаах дьарыктары ыыттылар, таһырдьа дьаарбайыыны тэрийдилэр. Маннык уопут иитээччи күннээҕи үлэтин иһиттэн билсэргэ көмөлөстө, итиэннэ бу идэ үгүс билиини, эппиэтинэһи, болҕомтону уонна айар дьоҕуру эрэйэрин итэҕэттэ.

Бэйэни салайыныы күнэ төгүрүк остуол тула истиҥ көрсүһүүнэн түмүктэннэ. Төрөппүттэр биир күн устата уһуйаан олоҕун атын өттүттэн арыйбыттарын билиннилэр.

Маннык тэрээһин дьиэ кэргэн уонна уһуйаан икки ардыгар бииргэ үлэлэһиини бөҕөргөтөрүн, төрөппүттэр уонна иитээччилэр икки ардыларыгар чугас сыһыаны олохтуурга көмөлөһөрүн эттилэр.

Бэлиэтээн эттэххэ, бу көҕүлээһин Дьокуускай куоракка үөрэҕирии тиһигин 100 сылыгар, Арассыыйа Федерациятыгар Оскуола иннинээҕи үөрэхтээһин сылыгар уонна Арассыыйаҕа Норуоттар сомоҕолоһууларын сылыгар ананна.