IV-с «Киин куорат күөх Кубога» күрэх Улуу Кыайыы 80 сылыгар ананар
«Киин куорат күөх Кубога» куонкурус сүрүн сыала-соруга – тэрилтэлэр тиэргэннэригэр көҕөрдүү уонна тупсаран оҥоруу хаачыстыбатын үрдэтиини ситиһии, эбийиэктэри киэргэтиигэ уонна көҕөрдүүгэ уопут тарҕатыы, атастаһыы, новаторскай ньымалары киллэрии, көҕөрдүүгэ аныгы хайысхалары көрдөрүү, куорат уокуругар тупсарыы үлэтин тэтимирдии.
Куонкурус номинациялара:
«Цветущий город» – бу номинация бас билии көрүҥүттэн тутулуга суох бары тэрилтэлэргэ, министиэристибэлэргэ, биэдэмистибэлэргэ, атыы-эргиэн уонна өҥөнү оҥорор эбийиэктэргэ аналлаах.
«Цветущий двор» – түөлбэлэр, ТСЖ, салайар хампаанньалар уонна элбэх кыбартыыралаах уонна чааһынай дьиэлэр олохтоохторо кытталлар.
«Цветущий сад» – оскуола иннинээҕи үөрэх тэрилтэлэрин номинацията.
«Цвет знаний» – уопсай үөрэхтээһин тэрилтэлэрин, орто анал уонна үрдүк үөрэх кыһаларын ортотугар ыытыллар.
«Эколидер» – кэмиэрсийэтэ суох тэрилтэлэр – уопсастыбаннай тэриллиилэр, уопсастыбаннай хамсааһыннар, ассоциациялар уонна сойуустар, уопсастыбалар, общиналар, биир дойдулаахтар түмсүүлэрэ, баартыйалар уо.д.а. кыттар номинациялара.
«Цветущее долголетие» - «Демография» нацбырайыак иитинэн «Аҕа көлүөнэ» федеральнай бырайыак регионнааҕы координатора Е.И. Евсикова анал бирииһэ. Күрэх 55+ саастаахтарга ананар.
«Город Якутск-Город Цветов» - «Город цветов» сибэкки маҕаһыынын анал бирииһэ. Тэрилтэлэргэ, министиэристибэлэргэ, үөрэх кыһаларыгар, уопсастыбаннай тэрилтэлэргэ, эргиэн тэрилтэлэригэр о.д.а. ананар.
«Клумбы Победы» - Улуу Кыайыы 80 сылыгар аналлаах номинация.
Сайаапкалары атырдьах ыйын 1 күнүгэр диэри туталлар. Күрэх икки түһүмэҕинэн ыытыллар:
Бастакы түһүмэх – территорияларынан. От ыйын 25 күнүттэн атырдьах ыйын 1 күнүгэр диэри буола турар.
Иккис түһүмэх – куораттааҕы. Атырдьах ыйын 5 - 15 күннэригэр буолуоҕа.
Кыайыылаахтары үгэс быһыытынан Куорат күнүгэр наҕараадалыахтара.
Хаартыскалар: Елена Илларионова түһэриилэрэ
Сонуннар
Ордук ааҕаллар
