«Истиҥ санаа кэрэһитэ» быыстапка аһылынна

Бүгүн, балаҕан ыйын 29 күнүгэр, Емельян Ярославскай аатынан Саха түмэлигэр норуот кутун туппут ырыа айааччы, РФ Суруналыыстарын сойууһун чилиэнэ, СӨ култууратын үтүөлээх үлэһитэ, уопсастыбаннай диэйэтэл, учуонай, уһуйааччы Виталий Андросов төрөөбүтэ 75 сылыгар аналлаах «Истиҥ санаа кэрэһитэ» быыстапка үөрүүлээх быһыыга-майгыга аһылынна.

Дэгиттэр талааннаах уһулуччу киһи олоҕун кэрэ эйгэтигэр эрэ буолбакка, доруобуйа харыстабылыгар, эдэр көлүөнэ эмчиттэри иитиигэ уонна наукаҕа анаабыта. Ол курдук, Виталий Тимофеевич үрдүк категориялаах терапевт, медицина билимин хандьыдаата, мединститут доцена этэ. Научнай үлэлэрэ күн бүгүҥҥэ диэри кэнчээри ыччакка үтүө холобур буолаллар.  

Кини аатын үйэтитэр, чаҕылхай талаанын бар дьоҥҥо билиһиннэрэр быыстапка үөрүүлээх аһыллыытыттан үтүө түгэннэри хаартыскаларга хатаатыбыт.

›

1 / 7