Ипотека ыстаапката үрдүөҕэ

Үп министиэристибэтэ чэпчэтиилээх кирэдьиит ыстааапкатын үрдэтиини икки түгэҥҥэ көрөр:

– иккис төрөппүт дьиэ кэргэн ипотекатын ыллаҕына;

– кирэдьиит ылар киһи ойохтоох уонна оҕотун кытта биир аадырыска олорбот буоллаҕына.

«Московская перспектива» телеграм-ханаал иһитиннэрбитинэн, уларыйыылар бу сыл олунньутун кэнниттэн бэриллибит кирэдьииттэргэ эмиэ дьайыахтара. Маныаха 8-9 % ыстаапка көрүллэр. Тэҥнээн көрдөххө: билигин бааннарга ырыынак ипотеката – 17-19 %, оттон дьиэ кэргэн ипотеката 6% чугаһыыр.

Тутуу министиэристибэтэ усулуобуйаны кытаатыннарар көҕүлээһини өйөөтө, ол гынан баран саҥа быраабылалар номнуо бэриллибит кирэдьииттэргэ дьайыа суохтаахтар диэн санаалаах. Ыстаапка хайдах уларыйара билигин чопчу биллибэт.