Интеллектуальнай оонньуулар үһүс төгүлүн ыытыллаллар

Үөрэх, билим эйгэлэригэр бииргэ үлэлэһиини сайыннарар, талааннаах ыччаты өйүүр национальнай систиэмэлэри тупсарар сыаллаах-соруктаах Норуоттар икки ардыларынааҕы интеллектуальнай  оонньуулар быйыл икки ньыманан – тэйиччиттэн уонна сирэй кыттыылаах ыытыллыахтара.

— Бэс ыйын 30 күнүттэн от ыйын 10 күнүгэр диэри Норуоттар икки ардыларынааҕы чинчийэр оскуола үлэлиэҕэ.

— От ыйын 3-4 күннэригэр үөрэнээччилэр научнай бырайыактарынан норуоттар икки ардыларынааҕы конференция-куонкурус ыытыллыаҕа.

— От ыйын 2-5 күннэригэр математикаҕа, физикаҕа, химияҕа уонна информатикаҕа М.А. Алексеев аатынан «Туймаада» оскуола оҕолорун норуоттар икки ардыларынааҕы олимпиадалара буолуоҕа.

Оонньуулар чэрчилэринэн учууталларга  «Территория успеха» диэн үөрэх, «Дипломаты будущего» презентациялыыр оонньуу, «Умницы и умники» телевизионнай оонньуу Саха сиринээҕи финала ыытыллыахтара.

Быйыл үһүс төгүлүн ыыталлар Норуоттар икки ардыларынааҕы интеллектуальнай оонньуулар 200 кыттааччылаахтар. Маны тэҥэ, Арассыыйа киин куораттарыттан, тас дойдулартан 400 кыттааччы дистанционнай көрүҥүнэн кыттыахтаахтар.