Индия үҥкүүтүн таптааччыларга бэлэх!
Бу үҥкүү истиилэ былыргы индийскэй тыйаатыртан тахсар уонна мистериялыы майгылаах. Сюжета Кришна уонна кини таптала Радха үҥкүүтүгэр анаммыт, бу үҥкүү саамай үрдүк, сибэтиэй таптал быһыытынан ааҕаллар.
Бөлөх, бу нэдиэлэ саҕаланыытыгар Москваҕа XII Норуоттар икки ардыларынааҕы йога күнүгэр кыттыбыта. Кинилэр кэнсиэрдэрэ Индия култуурунай сибээстэргэ сэбиэтин (ICCR) өйөбүлүнэн ааспыта.
Дьокуускайга кинилэри Үс Хатыҥҥа субуота күн 17:00 чааска «Ыччат түһүлгэтэ» диэн 14 №-дээх былаһааккаҕа көрүөххүтүн сөп.
Ити былаһааккаҕа 23:00 чаастан Тыва норуодунай артыыһа Ишкин Оглу, Алтай норуодунай артыыһа Эмиль Толкочеков, Тыва норуодунай артыыһа уонна Бурятия уопсастыбаннай диэйэтэлэ Ринчин Дашицыренов уонна Калмыкия национальнай оркестрын солиһа Мингиян Ханинов бырааһынньыктааҕы бырагыраамалара буолуохтара.
Сонуннар
Ордук ааҕаллар
