«Ильмень күөлгэ кыргыһыы» театрализованнай дьүһүйүүнү куоттарымаҥ

Бу субуотаҕа, кулун тутар 15 күнүгэр, Сайсары эбэ кытылыгар Ийэ скверигэр куорат олохтоохторун уонна ыалдьыттарын «Ильмень күөлгэ кыргыһыы» театрализованнай дьүһүйүүгэ ыҥыраллар.

«Ильмень күөлгэ кыргыһыы» бырайыак 1941-45 сс. Аҕа дойду Улуу сэриитигэр сэбиэскэй норуот, ол иһигэр Саха сириттэн кыттыбыт буойуннар дьоруойдуу хорсун быһыыларын үйэтитэр сыаллаах. Бырайыак аан бастаан 2015 сыллаахха Улуу Кыайыы 70 сыллаах үбүлүөйүгэр анаан тэриллибитэ.

Тэрийээччилэринэн Дьокуускай куорат Олохтоох дьаһалтата, үөрэх, култуура управлениелара, Улаатан эрэр оҕолор кииннэрэ, Сайсары уокуругун управатын дьаһалтата, Росгвардия Саха сиринээҕи управлениета, «Арассыыйа – мин историям» история паарката, «Красный Восход» байыаннай-историческай реконструкция кулууба буолаллар. Бырайыакка юнармия этэрээттэрэ, үөрэх кыһаларын байыаннай-патриотическай кулууптара, Кадеттар оскуолаларын иитиллээччилэрэ кыттыыны ылаллар.

1943 сыл олунньу 23 күнүгэр буолбут Ильмень күөл кыргыһыыта Саха сирин историятыгар оспот бааһы хаалларбыта. Старай Руссаны босхолуур иһин хаан тохтуулаах кыргыһыыга Саха сириттэн алта сүүстэн тахса саллаат сырдык тыына быстыбата. Кинилэр ааттарын Саха сирэ хаһан да умнуо суохтаах. «Ильмень күөлгэ кыргыһыы» бырайыак ити кыргыһыыны аныгы көлүөнэҕэ көрдөрөр аналлаах, диэн иһитиннэрэр Олохтоох дьаһалта пресс-сулууспата.

«Ильмень күөлгэ кыргыһыы» театрализованнай дьүһүйүү буолар сирэ уонна бириэмэтэ: кулун тутар 15 күнэ, күнүс 14:00 чаастан, Сайсары эбэ, Ийэ скверэ.

Билсэр төл.: 45-07-34, 45-00-47, 8924-468-11-41, e-mail: dod_dpc@mail.ru