Ил Дархан быһа эпииригэр номнуо 550 кэриҥэ ыйытыы киирбит

Региону салайар киин иһитиннэрэринэн, ыйытыылар бастакы уочарат суол-иис, тырааныспар, дьоҕус авиация туһунан буолбутттар. Иккиһинэн – ититии, кыстыкка бэлэмнэнии; үсүһүнэн – дьиэ тутуутун, хаарбах дьиэлэртэн көһөрүү туһунан ыйытыылар; төрдүс – дьон олорор сирин тупсарыы; бэсиһинэн – социальнай көмөнү туһаныы; алтыһынан – доруобуйа харыстабылын туһунан ыйытыылар буолбуттар.

Ордук элбэх ыйытыы Дьокуускайтан, Өймөкөөнтөн, Алдантан, Ленскэйтэн, Нерюнгриттэн, Мииринэйтэн, Өлүөхүмэттэн, Уус Майаттан, Аллараа Халыматтан, Хаҥаластан киирбит.

Биэриини «Якутия 24», «Саха» НКИХ, «Россия 24» ханаалларга уонна Ил Дархан официальнай социальнай ситимнэригэр көрүөххэ, ону тэҥэ «Тэтим», «Радио России», «Сахалыы Виктория», «СТВ-радио» долгуннарыгар истиэххэ сөп.

Ил Дархаҥҥа ыйытыыларгытын маннык ньымаларынан биэриэххитин сөп:

– 8 (4112) 506-006 колл-киин төл. эрийэн;

– MAX мессенджер @voprosglaveyakutii_bot чат-бот нөҥүө;

– 8 (4112) 510-000 төл. «Айта» цифровой көмөлөһөөччү нөҥүө.

Ыйытыылары балаҕан ыйын 27 күнүгэр быһа эпиир бүтүөр диэри ылаллар.