II Аан дойду сэриитэ түмүктэммитэ 80 сылыгар аналлаах тэрээһиннэр күүтэллэр

Бырааһынньык сүрүн тэрээһиннэрэ балаҕан ыйын 2-3 күннэригэр Кыайыы Пааркатыгар, «Туймаада саллаата» мемориальнай комплекска уонна Кыайыы болуоссатыгар ыытыллыахтара.

Үөрүүлээх миитин балаҕан ыйын 2 күнүгэр Кыайыы пааркатыгар күнүс 12.00 чаастан былааннанар.

Оттон балаҕан ыйын 3 күнэ сарсыарда 09.00 чаастан «Туймаада саллаата» мемориальнай комплекска сибэкки дьөрбөтүн ууруттан саҕаланыаҕа. Ол кэннэ Кыайыы болуоссатыгар мас олордуутун аахсыйата былааннанар. Сайсары эбэ кытылыгар эмиэ мас олордуохтара. Бу күн Кыайыы волонтердара куорат киин болуоссаттарыгар муар лиэнтэлэри тарҕатыахтара.

Бырааһынньыктааҕы тэрээһиннэр чэрчилэринэн «Огни Победы», «Поем двором» о.д.а. аахсыйалар ыытыллыахтара.

Оттон балаҕан ыйын устата уокуруктар бэйэлэрин былааннарынан Аҕа дойду сэриитигэр аналлаах пааматынньыктарга, мемориалларга сибэкки дьөрбөтүн ууруохтара, үөрэх кыһаларыгар кылаас чаастара ыытыллыахтара, болуоссаттарга кэнсиэртэр былааннаналлар.

Санатар буолахха, милитаристыы Японияны кытта сэриигэ 1,8 мөлүйүөн кэриҥэ бэтэрээн «3 сентября 1945» суруктаах «Японияны кыайыы иһин» мэтээлинэн наҕараадаламмыта, диэн Олохтоох дьаһалта пресс-сулууспата иһитиннэрэр.

Бырааһынньык бырагыраамата: https://yakutskcity.ru/calendar/programma-prazdnichnykh-meropriyatiy-v-chest-dnya-okonchaniya-vtoroy-mirovoy-voyny/