Иэйэхситим, эҥэрдэс!

Күндү Сахабыт сирин бар дьоно!

⁣Эһигини Айылгылаах олох айыыта Иэйэхсит Ийэ Хотун ыйа саҕаламмытынан эҕэрдэлээн тураммыт «Иэйэхситим, эҥэрдэс!» диэн сахалыы тыыннаах тэрээһиҥҥэ барыгытын үөрэ-көтө ыҥырабыт.

Иэйэхсиппит бэттэх көрөн мичик гынан Айыы алгыһынан араҥаччыланаммыт Ийэ айылҕалыын тэҥҥэ тыллан, сырдаан иһиэххэйиҥ, ырыанан-тойугунан, оһуохайынан уруйдаан, сүргэбитин көтөҕүөххэйиҥ.

Бу күн «Кут-Сүр» кыһа сэһэнньитэ, ХИФУ профессора, ф.н.д. Андрей Саввич Саввинов сэһэнин истиэхпит. Айыы итэҕэлинэн сахаларга Иэйэхсит диэн өбүгэбит дириҥ билиитэ, олус киэҥ суолталаах өйдөбүл, сүдү күүс, онон Иэйэхситин кытта биир ситимнээх киһи тургутуулартан иҥнибэт, моһоллортон бүдүрүйбэт, ыарахантан толлубат, харгыска хаайтарбат туруу туруктаах, сиртэн тирэхтээх, чөл олохтоох, үрдүк харысхаллаах, элбэх ситиһиилээх, инникитэ аһаҕас, аартыга алгыстаах. Тоҕо? Ол аата тугуй? Кэлэҥҥит элбэҕи билэҥҥит олоххут тухары Иэйэхсиккит эҥэрдэһэн аартыктаргыт аһаҕас, эйгэҕит сырдык буолан дьолгут тосхойо, Аал Луук маскыт үйэттэн үйэҕэ тэнийэ, сайда, кыаҕыра турдун.

⁣Тэрийээччилэр: «Саха эйгэтэ», «Кэрэ олох» уопсастыбаннай түмсүүлэр.

Буолар күнэ: ыам ыйын 8 күнэ, бээтинсэ.

Бириэмэтэ: 14.00-17.00 чч. 

Буолар сирэ: Дьокуускай куоракка Өксөкүлээх Өлөксөй аатынан Норуоттар доҕордоһууларын дьиэтэ, Гостинай саала, 2 этээс, уҥа хайысха.

Киириитэ босхо.

Иэйэхсиппит эҥэрдэһэн алгыстаах аартыкпыт арыллан дьолуобут үксүү, санаабыппыт сатана турдун.

Сырдык санаанан салаллан биллэриини, баһаалыста, киэҥник салгыы дьонноргутугар  тарҕатыһан сахалыы эйгэбитин кэҥэтэн иһиэххэйиҥ.

⁣Тэрийэр бөлөх.