Хойутаабыт босуобуйалары төлөөн эрэллэр

СӨ үлэ министиэристибэтэ иһитиннэрэринэн, бүгүҥҥүттэн, ол эбэтэр сэтинньи 14 күнүттэн, төлөбүрдэри Социальнай төлөбүр киинигэр атырдьах ыйын 22 күнүгэр эрэ диэри киирбит сайаапкаларынан оҥоруохтара. Ол төрүөтүнэн бу сыалга иэһи туоратыыга харчы сорох чааһа эрэ киирбитэ буолар.

* Төлөбүр оҕолоох дьиэ кэргэн тус счетугар киирэр болдьоҕо - 3 күҥҥэ диэри. 

Хаалбыт сайаапкаларынан төлөбүрдэр эбии үбүлээһин оҥоһулуннаҕына уочарат быһыытынан бэриллиэхтэрэ, диэн иһитиннэрэр СӨ үлэ уонна социальнай сайдыы министиэристибэтэ.

Маны сэргэ министиэристибэ төлөбүрү уһун кэмҥэ күүтэргэ күһэллибит бары дьиэ кэргэттэртэн бырастыы гыналларыгар көрдөһөр.

Саха Өрөспүүбүлүкэтин Бырабыыталыстыбата ылыммыт эбэһээтэлистибэтин толорорго эбии үбүлээһини көрдүүргэ үлэлэһэр, диэн иһитиннэрэр үлэ уонна социальнай сайдыы министиэристибэтэ.