Хос сыаната төһө-хачча буолла?

Ол эбэтэр, “Мир квартир” федеральнай портал аналитиктарын чахчытынан ааспыт сыл иһигэр ырытан көрүүгэ киирбит Арассыыйа 70 куоратыттан 50 куоракка хос сыаната үрдээбит.

Биллэ-көстө үрдээһин Курскайга бэлиэтэммит –  30,8 бырыһыанынан сыаналанан биэрбит. Бу төрүөтэ эмиэ биллэр эбит: итиннэ кыраныысса чугаһынааҕы алдьаммыт-кээһэммит дьиэлэр олохтоохторугар олорор дьиэ сэртипикээтэ бэриллэр буолбута олук буолбут. Сыана үрдээһинэ саҥа, эргэ дьиэҕэ баар хос буоларыттан улаханнык тутуллубакка, тэҥинэн үрдүүрүн бэлиэтээбиттэр.

Ол курдук, холобур, Казаньҥа – 24,3 %, , Чебоксарыга – 24, %, Улан-Удэҕа – 23 % үрдээбит.

20 куоракка хос сыаната түспүт диэбиттэр. Ол ханна диир буоллахха: Кемеровоҕа (9%), Архангельскайга (8,7%), Ленинград уобалаһыгар (7,9 %), Тулаҕа уонна ... Дьокуускайга 7 бырыһыан хос сыаната намтаабыт.  Ону тэҥэ Москубаҕа, Питергэ, Краснодарга, Симферопольга хос сыаната 3,3 бырыһыан түспүт. Бу туһунан ССТА-ҕа сигэнэн “Якутия 24” портал суруйар.