Хомус тыаһа киһиэхэ хайдах дьайарый?
Саха сиригэр хомус тыаһа киһи доруобуйатыгар уонна туругар хайдах дьайарын үөрэтэллэр.
Аан дойду норуоттарын түмэлэ уонна киинэ иһитиннэрэринэн, бырайыагы профессор Борис Кершенгольц уонна биология билимин доктора Ольга Колосова салайаллар. Маныаха учуонайдар «ВедаПульс» диэн аныгы тээбирини туһаналлар.
Чинчийии үс бөлөххө үс сеансынан ыытыллыаҕа. Бастакы бөлөх барыллаан түмүгүн ыам ыйын 20 күнүгэр таһаарар былааннаахтар. Ольга Колосова сеанс барыта бүппүтүн кэннэ уопсай түмүгү билиһиннэриэҕэ.
Кыттааччылар хомус тыаһа араас иэйиини уһугуннарбытын бэлиэтээбиттэр. Манна даҕатан эттэххэ, бастакы эксперименнэргэ Аан дойду норуоттарын түмэлин уонна киинин бэрэсидьиэнэ Иван Алексеев уонна физика-математика билимин хандьыдаата Николай Бурцев кыттыбыттар.
«Чинчийии салҕанар, түмүгэ хомус тыаһа киһи доруобуйатыгар дьайыытын өйдүүргэ саҥа саҕахтары арыйыан сөп», – дииллэр бырайыагы сүрүннээччилэр.
Сонуннар
Ордук ааҕаллар
