Хомунаалынай төлөбүрдэр хаттаан ааҕыллыахтара

Муус устар 1 күнүттэн бары эрэгийиэннэргэ ититии төлөбүрүгэр көннөрүү оҥоһуллуоҕа. Ититии сезона бүппүтүн кэннэ, хомунаалынай хаһаайыстыбалар дьиҥнээх ититии көрдөрүүлэрин ылан, кыһыҥҥы кэмҥэ төлөммүт суумалары кытта тэҥнээн көрүөхтэрэ. Ол түмүгэр аһара ааҕыыны булар түгэннэригэр, ол квитанцияҕа көстөр: эбэтэр эбии суума эбиллиэҕэ, эбэтэр кыччатыы оҥоһуллуоҕа.

Аны туран, тарыыптар сыаналарын өссө күүскэ кэтээн көрүөхтэрэ. Муус устар 3 күнүттэн Монополияны утары федеральнай сулууспа (ФАС) хомунаалынай өҥөнү үрдэтэр сыаналарын олохтуур быраабы ылыаҕа. Бастаан, агентство предписание таһаарыаҕа, онтон, эрэгийиэн ону толорбот буоллаҕына, ФАС тарыып лимииттэрин хаттан көрөр кыахтаныаҕа.

Салгыы Административнай быраабы кэһии кодексыгар уларытыылары киллэрэр өссө биир сокуон олоххо киириэҕэ. Бу сокуон быһыытынан, эрэгийиэннээҕи ситэриилээх уорганнар салайааччылара хомунаалынай төлөбүрдэри үрдэттэхтэринэ үлэлэриттэн уһуллуохтарын сөп.