Хомунаалынай төлөбүр: кимиэхэ субсидия көрүллэрий?

Ол курдук, элбэх оҕолоох дьиэ кэргэн хомунаалынай өҥө төлөбүрдэригэр кыбартыыра уопсай сууматыттан уокка уонна ууга 30 бырыһыан чэпчэтиини ылар бырааптаахтар. 70-тан 79-гар диэри саастаах дьон хапытаалынай өрөмүөн төлөбүрүн аҥаарын төттөрү ылыахтарын, оттон 80-тан үөһээ саастаахтар төлөбүрдэригэр бу пуунтан аккаастаныахтарын сөп. Кыра дохуоттаах ыалларга туспа быраабыла баар: хомунаалынай төлөбүр дьиэ кэргэн бүддьүөтүн 15 бырыһыаныттан элбэҕи ылар буоллаҕына, аһара төлөммүтүн судаарыстыба төнүннэрэр.

СВО кыттыылаахтарыгар эмиэ өйөбүл баар. Кинилэр дьиэ кэргэттэригэр олорор дьиэлэрин уонна хапытаалынай өрөмүөн ороскуотун аҥаарын төннөрөллөр, ол көмө киһи байыаннай дьайыы бэтэрээнин статуһун ылыар диэри сулууспалыыр кэмин устата барар. Бары көрүҥнээх чэпчэтиилэргэ сайабылыанньаны судаарыстыбаннай өҥөлөр порталларыгар эбэтэр ханнык баҕарар “Мин докумуоннарым” офистарга биэриэххэ сөп. Ыйытыылар баар буоллахтарына, агентство суукка устата үлэлиир төлөпүөнүгэр эрийэн ыйыталаһыҥ:8-800-222-50-70.