Химка уонна каре. Билиҥҥи оҕолор баттахтарын хайдах оҥоттороллоруй?

Экспертэрбит быһаарбыттарынан, 2026 сылга Дьокуускайга уолаттарга – химка, кыргыттарга дьоппуоннар карелара “муодунай” буолан тураллар.

Химкаланар баттах 8 см кырата суох уһатыллыахтаах эбит. Билиҥҥи химкалыыр састааптар улахан буортулара суох буолан, оҕолорго оҥотторор куттала суох.

Дьокуускайга маннык бүрүчүөскэ сыаната 3100 солк. саҕаланар.

Каре ордук кыра кыргыттарга барсар. Бэйэлэрин көрүнэ, сууна-тараана үөрэнэллэригэр улахан түбүгэ суох бүрүчүөскэ. Дьоппуоннар карелара көнөтүк кырыллар, чуолката көбүс-көнө уонна хойуу буолар. Киин куоракка баттаҕы көнөтүк кырыттарыы 600 солкуобайтан саҕалаан сыаналаах. 

***

Билиҥҥи оҕолор оруосабай, кыһыл, күөх, о.д.а. чаҕылхай өҥүнэн кырааскалааһынынан, мелированиенан үлүһүйбэттэр. Оҕолор үксүн кэриэйдэри үтүктэн оҥостоллор диэн экспертэрбит кэпсээтилэр. Маны тэҥэ улаатан эрэр кыргыттар баттахтарын олус үчүгэйдик көрүнэр, араас сириэстибэлэринэн хото туһанар буолбуттара бэлиэтэнэр.