Хайыһары таптааччыларга үөрүүлээх сонун!
Дьокуускай куорат 203-с түөлбэтигэр Саха сиригэр хайыһарынан сүүрүү 100 сылынан маассабай сүүрүү ыытыллыаҕа. Манна Ванкувер-2010 Олимпиада чөмпүйүөнэ Никита Крюков уонна Сочи-2014 Олимпиада призера Александр Бессмертных кыттыахтара.
Өрөспүүбүлүкэттэн бастыҥ хайыһардьыттар уонна Олимпийскай резервэ Алданнааҕы спортивнай оскуолатын үөрэнээччилэрэ кыттыыны ылыахтара.
Хас биирдии регистрацияламмыт кыттааччы стартовай бакыат, ол иһигэр брендовай суумка (шопер), спортивнай бэргэһэ, баф, түөскэ иилинэр стартовай нүөмэр уонна фиништыыр өйдөбүнньүк мэтээл ылыаҕа. Кыайыылаахтарга уонна миэстэлэспит дьоҥҥо (алта бастыҥҥа) сыаналаах бириистэр туттарыллыахтара. Эһигини ураты чаҕылхай тэрээһин, ол иһигэр итии аһылыктаах фуд-корт, саха эстрадатын сулустарын кэнсиэрэ, тренердэртэн маастар-кылаастар күүтэллэр.
Тэрээһиҥҥэ суруйтарыы олунньу 16 күнүгэр саҕаламмыта уонна кулун тутар 25 күнүгэр диэри ыытыллыаҕа. Сүүрүүлэр 500 миэтэрэттэн уонна 1 килэмиэтиртэн саҕалаан 10, 15, 25 уонна 50 килэмиэтиргэ диэри былааннаналлар. Тэрийээччилэр электроннай почталара 100marafon@mail.ru, төлөпүөннэрин нүөмэрэ: 8914-228-0586 (Александр Быканов).
Бу туһунан yakutia-daily.ru сайтка Игорь Платонов суруйар.
Сонуннар
Ордук ааҕаллар
