"Хатас – Павловскай" мууһунан суолга тиэхиньикэ түстэ

Бүгүҥҥү күҥҥэ өрүһүнэн кыһыҥҥы суол Саха сирин үрдүнэн Усть Куйга – Хаһааччыйа – Кресты эрэ хайысханан үлэлии турар.

Хатас – Павловскай өрүһүнэн суол муус устар 15 күнүттэн сабыллыбыта.

Кыһыҥҥы кэмҥэ көҥүлэ суох сиринэн уу эбийиэктэринэн айан-сырыы иһин кытаанах эппиэтинэс күүтэр.

Чуолаан, СӨ Административнай быраабы кэһии туһунан кодексатын 9.10 ыстатыйатынан көҥүлэ суох сиринэн мууһунан тырааныспарынан сырыы-айан иһин:

- гражданнары 3 тыһыынча солкуобайтан 5 тыһ. солк. диэри ыстараап күүтэр;

- дуоһунастаах сирэйдэри – 20 тыһыынча солкуобайтан 50 тыһ. солк. диэри;

- юридическай сирэйдэри – 100 тыһыынча солкуобайтан 1 мөлүйүөҥҥэ диэри.